| e-texts navigator |
| Wylie |
308a1 བའི་གྲོགས་བྱེད་པར་འགྱུར་རོ། ། སྐར་རྡོའི་ཡུལ་དུ་གནོད་པ་འབྱུང་བའི་ཚེ། ཁྱོད་ཀྱིས་ཅི་ནས་ཀྱང་གནོད་པ་བྱེད་དུ་མ་གཞུག་ཅིག། དབང་པོའི་གོ་ཆ་དང་ཡང་ཐོག་མར་འདུམ་པར་གྱི།
308a2 ཤིག། ལས་འདི་དག་བྱེད་པའི་གྲོགས་སུ་འགྱུར་རོ།། སྐར་རྡོ་བ་ཇི་སྙེད་ཡོད་པ་ཐམས་ཅད་ཀྱང་གྲོགས་བྱེད་པར་འགྱུར་རོ།། ཨ་ཀུ་ན་ཞེས་བྱ་བ་དཔའ་བོ་ཞིག་ཡོད་དེ། དེ་སྔོན་ཡེ་ཤེས་གྲགས་པ་ཞེས་བྱ་བར་གྱུར
308a3 པ་ན། དེས་དར་མ་ཏིར་ཞེས་བྱ་བའི་གཙུག་ལག་ཁང་བྱས་སོ།། དེ་བས་ན་ཁྱོད་ཀྱིས་ཨ་ཀུན་ཚོལ་ཅིག་དང་། ཡུལ་གཟུང་བའི་ཕྱིར་གྲོགས་བྱེད་པར་འགྱུར་རོ།། དེ་ཅིའི་ཕྱིར་ཞེ་ན། དེ་དང་ཁྱོད་སྨོན་ལམ་ལྷན་ཅིག།
308a4 ཏུ་བཏབ་པའི་ཕྱིར་ཏེ། ཨ་ཀུ་ན་ཞེས་བྱ་བའི་མི་དེ་ནི་སྔོན་རྒྱལ་པོར་གྱུར་ཏེ། མི་རྒོད་རྣམས་ཀྱིས་ཆུང་མ་བརྐུས་ཏེ། ཕྱིར་མ་རྙེད་པ་ཡིན་ནོ།། ཁྱོད་ནི་རྒྱལ་པོ་དེའི་བློན་པོ་ཆེན་པོ་ཡིན་ཏེ། དགེ་བྱེད་ཀྱི་ཕར་གྱུར
308a5 པ་ཡིན་ནོ། ། དེ་ནས་དེའི་ཚེ་སངས་རྒྱས་བཅོམ་ལྡན་འདས་ཀྱིས། གཞོན་ནུ་རྡོ་རྗེ་སྡེ་ལ་འདི་སྐད་ཅེས་བཀའ་སྩལ་ཏོ།། གཞོན་ནུ་རྡོ་རྗེ་སྡེ་ཁྱོད་ལི་ཡུལ་འཁོར་དུ་རྣམ་པར་རྒྱལ་བའི་གོ་ཆ་ཞེས་བྱ་བའི་རྒྱལ
308a6 པོར་འགྱུར་ཏེ། ལོ་སུམ་ཅུའི་བར་དུ་རྒྱལ་སྲིད་འཛིན་པར་འགྱུར་ལ། དགེ་བསྙེན་དུ་གྱུར་ནས། ལི་ཡུལ་གྱི་ཕྱིར་ལུས་ཡོངས་སུ་གཏོང་ཞིང་།། འབྲས་བུ་ཐོབ་པར་འགྱུར་རོ།། དེ་ནས་དེའི་ཚེ་བཅོམ་ལྡན
308a7 འདས་ཀྱིས། ལྷ་མོ་དྲི་མ་མེད་པའི་འོད་ལ་འདི་སྐད་ཅེས་བཀའ་སྩལ་ཏོ།། ཁྱོད་ལི་ཡུལ་དུ་རབ་ངེས་ཞེས་བྱ་བར་གྱུར་པའི་ཚེ། མདོ་འདི་ཟུང་ཞིག། འདི་ལ་འཇུག་པར་གྱིས་ཤིག། རྒྱས་པར་གྱིས
iiif viewer powered by OpenSeadragon
