| e-texts navigator |
| Wylie |
33b1 རྗེས་སུ་དྲན་པ་དང་། ། གང་དག་ཆོས་ལ་སྐྱབས་མཆིས་པ།། མི་དེ་དག་ནི་རྙེད་པ་ཆེ།། གང་དག་ཉིན་མཚན་རྟག་པར་ཡང་།། དགེ་འདུན་རྗེས་སུ་དྲན་པ་དང་།། གང་དག་དགེ་འདུན
33b2 སྐྱབས་མཆིས་པ། ། མི་དེ་དག་ནི་རྙེད་པ་ཆེ།། དེ་ནས་བཅོམ་ལྡན་འདས་ཀྱིས། ལྷའི་དབང་པོ་བརྒྱ་བྱིན་གྱི་རྗེས་སུ་འཐུན་པར་བརྗོད་པའི་ཚིགས་སུ་བཅད་པ་བཀའ་སྩལ་པ། ཀོའུ་ཤི་ཀ
33b3 དེ་དེ་བཞིན་ཏེ། དེ་དེ་བཞིན་ནོ།། གང་དག་སངས་རྒྱས་སྐྱབས་དོང་བ།། དེ་དག་ངན་འགྲོར་མི་འགྲོ་སྟེ།། མི་ཡི་ལུས་རྣམས་སྤངས་ནས་སུ།། དེ་དག་ལྷ་ལུས་ཐོབ་པར་འགྱུར།། གང
33b4 དག་ཆོས་ལ་སྐྱབས་དོང་བ། ། དེ་དག་ངན་འགྲོར་མི་འགྲོ་སྟེ།། མི་ཡི་ལུས་རྣམས་སྤངས་ནས་སུ།། དེ་དག་ལྷ་ལུས་ཐོབ་པར་འགྱུར།། གང་དག་དགེ་འདུན་སྐྱབས་དོང་བ།། དེ་དག་ངན
33b5 འགྲོར་མི་འགྲོ་སྟེ། ། མི་ཡི་ལུས་རྣམས་སྤངས་ནས་སུ།། དེ་དག་ལྷ་ལུས་ཐོབ་པར་འགྱུར།། དེ་ནས་ལྷའི་དབང་པོ་བརྒྱ་བྱིན་བཅོམ་ལྡན་འདས་ཀྱི་གསུངས་པ་ལ་མངོན་པར་དགའ་ནས།
33b6 བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་ལག་པ་ཐལ་མོ་སྦྱར་ནས་ལན་གསུམ་བསྐོར་བ་བྱས་ཏེ། དེ་ཉིད་དུ་མི་སྣང་བར་གྱུར་ཏོ།། བཅོམ་ལྡན་འདས
33b7 ཀྱིས་དེ་སྐད་ཅེས་བཀའ་སྩལ་ནས། དགེ་སློང་དག་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། ཕག་མོའི་རྫོགས་པ་བརྗོད་པའི་མདོ་རྫོགས་སོ།།
iiif viewer powered by OpenSeadragon
