| e-texts navigator |
| Wylie |
32a1 གཅིན་འཚལ་བར་འགྱུར་བས། ། དེའི་སླད་དུ་བདག་དེ་སྐད་མཆིའོ།། གྲོགས་པོ་ཚུར་ཤོག། ཁྱོད་རྐང་གཉིས་རྣམས་ཀྱི་མཆོག་སངས་རྒྱས་ལ་སྐྱབས་སུ་སོང་ཞིག
32a2 འདོད་ཆགས་དང་བྲལ་བ་རྣམས་ཀྱི་མཆོག་ཆོས་ལ་སྐྱབས་སུ་སོང་ཞིག། ཚོགས་རྣམས་ཀྱི་མཆོག་དགེ་འདུན་ལ་སྐྱབས་སུ་སོང་ཞིག། དེས་འདི་སྐད་ཅེས་སྨྲས་སོ།། གྲོགས་པོ་བདག་ནི
32a3 རྐང་གཉིས་རྣམས་ཀྱི་མཆོག་སངས་རྒྱས་ལ་སྐྱབས་སུ་མཆིའོ། ། འདོད་ཆགས་དང་བྲལ་བ་རྣམས་ཀྱི་མཆོག་ཆོས་ལ་སྐྱབས་སུ་མཆིའོ།། ཚོགས་རྣམས་ཀྱི་མཆོག་དགེ་འདུན་ལ་སྐྱབས
32a4 སུ་མཆིའོ། ། དེ་ནས་ལྷའི་བུ་དེས་སྐྱབས་གསུམ་བཟུང་སྟེ། འཆི་འཕོའི་དུས་བྱས་ནས། དགའ་ལྡན་གྱི་ལྷའི་རིས་སུ་སྐྱེས་སོ།། དེ་ནས་ལྷའི་དབང་པོ་བརྒྱ་བྱིན་གྱིས་ལྷའི་བུ་དེ་བལྟས་པ།
32a5 ཅི་ལྷའི་བུ་དེ་ཕག་མོའི་མངལ་དུ་སྐྱེས་སམ་མ་སྐྱེས་ཞེས་བལྟས་ན་ཡང་མ་སྐྱེས། སེམས་ཅན་དམྱལ་བ་དང་། དུད་འགྲོའི་སྐྱེ་གནས་སུ་སྐྱེས་སམ་མ་སྐྱེས་ཞེས་བལྟས་ན་ཡང་མ་སྐྱེས་ཏེ།
32a6 ལྷ་རྣམས་ནི་ཆོས་ཉིད་ཀྱིས་འོག་མ་ཤེས་པ་དང་མཐོང་བ་འཇུག་གི། གོང་མ་ལ་ནི་མ་ཡིན་ནོ།། དེ་ནས་ལྷའི་དབང་པོ་བརྒྱ་བྱིན་ཐེ་ཙོམ་སྐྱེས་ནས། བཅོམ་ལྡན་འདས་ག་ལ་བ་དེར་སོང་སྟེ་ཕྱིན
32a7 ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། ཕྱོགས་གཅིག་ཏུ་འདུག་གོ། ཕྱོགས་གཅིག་ཏུ་འདུག་ནས་ཀྱང་། ལྷའི་དབང་པོ་བརྒྱ་བྱིན་གྱིས། བཅོམ་ལྡན་འདས།
iiif viewer powered by OpenSeadragon
