| e-texts navigator |
| Wylie |
284b1 སོ་ནམ་བྱ་བ་ལ། ། བྱ་ཐག་ཆད་པ་གཉིས་ཡོད་དེ།། སྔ་མ་བསམས་པ་སྡུག་བསྔལ་ཡིན།། ཕྱི་མ་བསམས་པ་ཤ་ཐང་ངོ་།། འཇིག་རྟེན་འདི་ནི་ཆེ་བཙན་ཕྱུགས་དྲེགས་ཀྱང་།། འཆི་བདག་དབང་དུ
284b2 མ་གྱུར་གང་ཡང་མེད། ། ཚེ་འདི་སྲིད་ལ་ཞེ་དོན་རྒྱ་ཆེ་ཡང་།། ཡུན་གྱི་ཆོས་འདོད་རྒྱལ་སྲིད་མ་ཤེས་ན།། སྐྲ་དཀར་སྐྱེས་ཤིང་གཉེར་མའི་ཚོགས་འདུས་ཀྱང་།། བྱིས་པ་ཤེད་མ་བྱེ་དང་ཅི་མ་འདྲ།།
284b3 དོན་ལ་མཁས་པས་བརྟགས་པས་སེམས་ཅན་སྙིང་རེ་རྗེ།། ཀྱེ་རྒྱལ་པོ་ལགས། ད་ཡང་སྙན་གསོན་ཅིག། སྐྱོན་རྣམས་སྒྱུ་མར་རྟོགས་པས་དགྲལ་ཞེ་མི་སྡང་།། ཡོན་ཏན་སྒྱུ་མར་བཤད་པས
284b4 གཉེན་ལ་དང་མི་ཆགས། ། གནས་སུ་ངེས་པ་མེད་པས་སྤྱུགས་པས་ཉམ་མི་ང་།། སེམས་ལ་སྐྱེ་ཤི་མེད་པས་བསད་པས་འཇིགས་པ་མེད།། ནོར་དུ་ངེས་པ་མེད་པས་དབྲོག་པས་ཉམ་མིང་།།
284b5 དཔལ་གྱི་རི་ལ་སྲིད་ཀྱི་ཆུ་བྲག་ཀྱང་།། འགྲོགས་པའི་གྲོགས་པོ་བླ་མེད་བྱང་ཆུབ་བཟང་།། གསེར་གྱི་རི་ལ་གཡུ་ཡི་ཁྲོན་བབས་ཀྱང་།། ནོར་གྱི་དབྱིག་ཏུ་སེམས་ཀྱིས་ཆོག་ཤེས་བཟང་།། སྟོང་ཞིང
284b6 དབེན་པའི་གནས་ནི་ཡུན་དུ་བདེ། ། ཆོག་ཤེས་ཁྲེལ་འཛེམ་གོས་ནི་ཀུན་ལ་སྙོམས་པར་དྲོ།། མི་རྟོག་རྣམ་གྲོལ་ཟས་ནི་སྨན་དང་བཅུད།། ཡང་དག་བདེ་བར་འཚོ་ཡིས་རྒྱལ་པོ་ཁྱོད་ཀྱང་དེང་།།
284b7 དེ་སྐད་ཅེས་གསུངས་པས། རྒྱལ་པོ་དགའ་བའི་འོད་ཀྱིས་བསམས་པ། བཙུན་པ་དད་པ་སྐྱེས་ནས་རབ་ཏུ་བྱུང་བ་ལ། སླར་ཟློག་པའི་གྲོས་ངན་པ་འདེབས་པ་འདི་ནི་ཐི་བུར་ཡང་མ་ལེགས་སོ་སྙམ་ནས
iiif viewer powered by OpenSeadragon
