| e-texts navigator |
| Wylie |
283b1 རྣམས་ཀྱང་ཕྱིར་ལ་དེང་། ། དེ་སྐད་ཅེས་གསོལ་པ་དང་། བློན་པོ་རྣམས་ཀྱིས་བསམ་པ་ལ། ལྷ་སྲས་ཆོས་ལ་མཁྲེགས་པའི་སྟེང་དུ། འོ་སྐོལ་འབངས་སུ་གྱུར་པས།། ཚིག་གསན་དུ་མི་བཞེད་ན།
283b2 ད་ཇི་ལྟར་བགྱི་ཞེས་བགྱིས་པ་དང་། སྔོན་ཡབ་ཀྱི་ཐུགས་གྲོགས་པོ། ཡུལ་བར་རྟན་རྒྱལ་པོ་དགའ་བའི་འོད་ཅེས་བྱ་བ་ཡོད་དེ། དེས་རྒྱལ་བུ་རབ་ཏུ་བྱུང་བ་ལ་གྲོས་བཏབ་ན། རྒྱལ་སྲིད
283b3 འཛིན་དུ་བཏུབ་པར་ངེས་སོ་སྙམ་ནས། རྒྱལ་པོ་དགའ་བའི་འོད་ཀྱི་སྤྱན་སྔར་མཆིས་ཏེ་འཕྲིན་བཏང་། ཕྱག་བགྱིས།། ཞུས་གསོལ་པ། ཀྱེ་རྒྱལ་པོ་ལགས། བདག་ཅག་ཡུལ་དབུས་འགྱུར
283b4 ཚལ་གྱི་རྒྱལ་པོ་ཤིང་རྟ་བཅུ་པ་ནི་འདས། སྲས་རྒྱལ་བུ་ཀུན་ཏུ་དགེ་ནི་རབ་ཏུ་བྱུང་ནས། རྒྱལ་ས་ནི་སྟོངས། འབངས་རྣམས་ནི་སིལ་བུར་གྱུར་ན། དེ་རྒྱལ་བུ་རབ་ཏུ་བྱུང་བ་ལས་སླར་ཕབ་སྟེ། རྒྱལ
283b5 སྲིད་འཛིན་དུ་མི་གཞུག་ཏུ་མི་རུང་། དེ་སྐད་ཅེས་གསོལ་པ་དང་། རྒྱལ་པོ་དགའ་བའི་འོད་ཀྱང་ཐུགས་ལ་གཅགས་ནས། འཁོར་བློན་པོ་དང་བཅས་ནས། རྒྱལ་བུ་རབ་ཏུ་བྱུང་བའི་སྤྱན་སྔར
283b6 མཆིས་ཏེ་འཕྲིན་བཏང་། ཕྱག་བགྱིས། ཞུས་གསོལ་པ། ཀྱེ་བཙུན་པ་ལགས། སྐུ་ན་ཚོད་དེ་ཙམ་ལ། གཞོན་པ་རྣམས་ལའང་མི་གཟིགས་སམ། ཁྱིམ་བཟངས་དཔལ་དང་འདྲ་བ་བོར་ནས
283b7 ནིརི་དགས་བཞིན་དུ་ནགས་ཚལ་དབེན་པར་འཁྱམས། ། མཐོ་བཙུན་རྒྱལ་པོའི་ལུས་བོར་ནས།། དབུལ་པོའི་ལུས་ཀྱང་ཉེ་བར་བླངས།། ངན་པའི་གོས་གྱོན་སྐྱེ་བོ་ཡོངས་ཀྱིས་འཕྱས།
iiif viewer powered by OpenSeadragon
