| e-texts navigator |
| Wylie |
282b1 ཐམས་ཅད་ཡིད་དང་ལྡན་གྱུར་ཏོ།། གཞོན་ནུ་རྣམས་ཀྱི་སློབ་དཔོན་དུ་གྱུར་པ་སྐྱེས་པའི་ཚེ། ཡབ་རྒྱལ་པོ་ནི་སྐུ་ན་སོའང་བགྲེས་པའི་སྟེང་དུ་བསྙུན་དྲག་པོ་ཅག་ཀྱང་བཏབ་སྟེ། འཇིག་རྟེན་མི་ཡུལ་འདི་རུ
282b2 ཡུན་རིང་པོ་གནས་གནས་མི་འདྲ་ནས། སྲས་ཀྱིས་ཡབ་ལ་ཕན་དམ་པ་ཅིག་གདགས་ན་ཅིས་གདགས་སྙམ་པའི་རྗེས་ལ།། རིང་པོར་མ་ལོན་པར་ཡབ་འདས་པར་གྱུར་ནས། འབངས་རྣམས་ཀྱིས་རྒྱས
282b3 བུ་ལ་རྒྱལ་སྲིད་མ་ཕུལ་གྱི་སྐབས་སུ། རྒྱལ་བུ་རབ་ཏུ་བྱུང་སྟེ། ནགས་ཚལ་དབེན་པར་དྲང་སྲོང་གི་སྤྱོད་པ་ལ་ཞུགས་ཏེ། ཚངས་པར་ཚུལ་བཞིན་དུ་སྤྱོད་དོ།། རེ་ཞིག་ན་འབངས་རྣམས་ཀྱིས
282b4 རྒྱལ་བུ་ལ་རྒྱལ་སྲིད་དབུལ་བར་བཤམས་པ་ལས། རྒྱལ་བུ་རབ་ཏུ་བྱུང་བ་མཐོང་ནས། རྒྱལ་ཁམས་ཀྱི་མི་ཡུལ་ཡོངས་སུ་མ་ཧེ་བེའུ་སྟོར་བ་འམ། ཉ་ཐང་ལ་ལྷུང་བ་བཞིན་འགྲེ་ལྡོག་ཅིང
282b5 སྨྲེ་སྔགས་ཀྱི་ཚིག་ལས་ཀྱེ་མའོ། ། ལུས་སྲོག་སྐྱོང་བའི་རྒྱལ་པོ་ཡབ་འདས་ནས།། འབངས་རྣམས་ཀྱང་མྱ་ངན་གདུངས་པས་ནོན།། ད་ནི་སྲས་ཀྱང་རབ་ཏུ་བྱུང་ནས་ནི།། འཇིག་རྟེན་འདི་རུ་ཉི་ནུབ་མུན་གྱིས
282b6 བསྒྲིབས། ། ཀྱི་ཧུད་ཀྱི་ཧུད་ཅེས་སྨྲེ་སྔགས་འདེན་པའི་ཆོ་ག་ལས། རིང་པོ་མ་ལོན་པར་འབངས་རྣམས་ཀྱིས་རྒྱལ་བུ་ལ་ཡང་ཞུས་པ། ཀྱེ་རྒྱལ་པོ་ལགས། ལུས་སྲོག་སྐྱོང་བའི་རྒྱལ་པོ་ཡབ་འདས་ནས།
282b7 འབངས་ཀྱིས་རྒྱལ་སྲིད་ལུགས་བཞིན་མ་ཕུལ་བ།། ཁྲི་ལེན་ཆོས་བཞིན་ཆད་པ་ནོད།། མེས་དང་ཡབ་ཀྱི་མཛད་ལུགས་བཞིན།། རྒྱལ་སྲིད་བཞེས་ལ་འབངས་རྣམས་སྐྱོངས།། རྒྱལ་པོ་ཡབ
iiif viewer powered by OpenSeadragon
