| e-texts navigator |
| Wylie |
282a1 ཤིན་ཏུ་བྱེད་དཀའ་བའང་གྲངས་མེད། དཔག་ཏུ་མེད། དགེ་བའི་ལས་བྱས་པ་ཡང་གྲངས་མེད། དཔག་ཏུ་མེད་དེ། དེ་བས་ན་མདོ་སྡེ་འདི་དགེ་སློང་དང་བྲམ་ཟེ་ལ་སོགས་པ་ལ་རྒྱས
282a2 བར་སྟོན་ཅིག། བྱང་ཆུབ་སེམས་དཔའ་སེམས་དཔའ་ཆེན་པོས་སྦྱིན་པ་བྱས་པའི་སྦྱིན་པའི་ཕ་རོལ་ཏུ་ཕྱིན་པ་འདི་ལྟ་བུ་དག་ཡིན་ནོ།། འཕགས་པ་རྒྱལ་བུ་དོན་གྲུབ་ཀྱི་མདོ་ཞེས་བྱ་བའི་བམ་པོ་གཅིག
282a3 རྫོགས་སོ། ། ། སྔོན་རྒྱ་ལས་འགྱུར་བའི་བརྡ་རྙིང་པར་འདུག། @བོད་སྐད་དུ། འཕགས་པ་རྒྱལ་བུ་ཀུན་ཏུ་དགེ་ཞེས་བྱ་བ
282a4 ཐེག་པ་ཆེན་པོའི་མདོ། ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་ཤཱཀྱ་ཐུབ་པ་ནི། སྔོན་ཡུལ་དབུས
282a5 འགྱུར་ཚལ་གྱི་རྒྱལ་པོ་ཤིང་རྟ་བཅུ་པའི་སྲས་རྒྱལ་བུ་ཀུན་ཏུ་དགེ་ཞེས་བྱ་བ་ཞིག་ཏུ་སྐྱེས་པའི་ཚེ་སྐྱེ་བོ་ཡོངས་ཀྱིས་ཀྱང་བཀུར་བར་གྱུར་ཏོ། ། འཕོང་རྩལ་དང་། ཡིག་རྩིས་དང་། བཟོ་དང
282a6 སྨན་དཔྱད་དང་། རིག་པའི་གནས་ལྔ་ལ་མཁས་ཤིང་གསལ་བ་ཅོག་སྐྱེས་པའི་ཚེ། རྒྱལ་པོས་སྲས་ལ་བསྟོད་པ་ནི། རིགས་དང་གཟུགས་བྱེད་མཛངས་དང་ལྡན།། ཤེས་གསལ་མཁས་ཤིང་སྤྱོད
282a7 ལམ་མཛེས། ། ཤེལ་ལྟར་གསལ་བའི་ས་གཞི་ལ།། ཟླ་བའི་འོད་ཟེར་ཤར་བ་འདྲ།། ཉིད་སྐྱོན་མུན་པས་མི་གནས་ཤིང་།། ཡོན་ཏན་རིན་ཆེན་མཛོད་དུ་འགྱུར།། མཐོང་ན་སྐྱེ་བོ་ཉམས་དགའ་སྟེ།།
iiif viewer powered by OpenSeadragon
