| e-texts navigator |
| Wylie |
281b1 བླ་བྲེ་ལ་སོགས་པས་མཆོད་པ་བྱ་བའི་ཕྱིར་བཤམས་ཏེ། ས་གཞིའང་སྤོས་ཆུས་ཆག་ཆག་བཏབ་ནས་བསྡད་དོ།། རྒྱལ་བུ་ཕོ་བྲང་གི་ནང་དུ་འོངས་ནས། ཡུམ་གྱི་དྲུང་དུ་ཕྱིན་པ་དང་། མགོ་བོས་ཕྱག་འཚལ་ནས།
281b2 སྤྲོ་བའི་ཚིག་གིས་སྙུན་གསོལ་ཏོ།། དེ་ནས་རྒྱལ་པོས་རིན་པོ་ཆེའི་བང་མཛོད་ཐམས་ཅད་རྒྱལ་བུ་ལ་གཏད་དེ། ཡིད་བཞིན་དུ་སྦྱིན་པ་བྱེད་དུ་བཅུག་ནས། སྦྱིན་པ་སྔ་མ་བས་ཀྱང་ལྷག་པར་རྒྱུན་མ་ཆད་པར་སྦྱིན
281b3 པ་བྱེད་དུ་བཅུག་པས། མངོན་པར་སངས་རྒྱས་ཀྱི་བྱང་ཆུབ་ཐོབ་པར་གྱུར་ཏོ།། བཅོམ་ལྡན་འདས་ཀྱིས། ཀུན་དགའ་བོ་ལ་བཀའ་སྩལ་པ། ངས་སྔོན་གྱི་སྦྱིན་པ་བྱས་པ་མངོན་དུ་དྲན་པ་ནི་དེ་ལྟ་བུ
281b4 ཡིན་ནོ། ། དེའི་ཚེ་དེའི་དུས་ན། རྒྱལ་བུ་དོན་གྲུབ་ཅེས་བྱ་བ་ནི་ད་ལྟར་ང་ཉིད་ཡིན་ནོ།། དེའི་ཚེ་ཡབ་རྒྱལ་པོར་གྱུར་པ་དེ་ནི་ད་ལྟར་ངའི་ཡབ་རྒྱལ་པོ་ཟས་གཙང་མ་ཡིན་ནོ།། དེའི་ཚེ་ཡུམ་དུ་གྱུར་པ་དེ་ནི་ང
281b5 ལྟར་ཡུམ་ལྷ་མཛེས་ཡིན་ནོ། ། དེའི་ཚེ་ན་བཙུན་མོར་གྱུར་པ་དེ་ནི་ད་ལྟར་གྲགས་འཛིན་མ་ཉིད་ཡིན་ནོ།། དེའི་ཚེ་དགེ་སློང་ཨ་ཙུ་ཏ་ཞེས་བྱ་བ་ད་ལྟར་མོའུ་འགལ་གྱི་བུ་ཆེན་པོ་ཡིན་ནོ།། དེའི་ཚེ་བརྒྱ་བྱིན་ལྷའི
281b6 དབང་པོར་གྱུར་པ་དེ་ནི་ད་ལྟར་ཤཱ་རིའི་བུ་ཡིན་ནོ། ། དེའི་ཚེ་རྔོན་པར་གྱུར་པ་ནི་ད་ལྟར་ཀུན་དགའ་བོ་ཁྱོད་ཡིན་ནོ།། དེའི་ཚེ་ཁྱེའུ་ཡ་ར་ཞེས་བྱ་བ་ནི་ད་ལྟར་ངའི་སྲས་སྒྲ་གཅན་འཛིན་ཡིན་ནོ།། དེའི་ཚེ་བུ་མོར་གྱུར
281b7 པ་དེ་ནི་ཡུམ་སྲུ་གོའུ་ཏ་མོ་ཞེས་བྱ་བ་ཡིན་ནོ། ། དེའི་ཚེ་བྲམ་ཟེ་སློངས་མོ་པ་དེ་ནི་ད་ལྟར་ལྷ་སྦྱིན་ཉིད་ཡིན་ནོ།། དེའི་ཚེ་བྲམ་ཟེའི་ཆུང་མར་གྱུར་པ་དེ་ནི་ད་ལྟར་བྲམ་ཟེ་མོ་ཙན་ཙམ་ན་ཡིན་ནོ།། དེ་ལྟར་ནང
iiif viewer powered by OpenSeadragon
