| e-texts navigator |
| Wylie |
280b1 བ་དང་བཏུང་བ་བཏང་དགོས་ཀྱིས། མྱུར་དུ་ཤོག་ཅིག་ཅེས་ཕོ་ཉ་འགུགས་སུ་བཏང་ངོ་།། དེ་ནས་ཕོ་ཉས་ཡི་གེ་ཐོགས་ཏེ། རྒྱལ་བུ་གང་ན་བ་དེར་སོང་ནས་ཕྱིན་པ་དང་། རྒྱལ་བུ་ལ་ཡི་གེ་ཕུལ་ལོ།།
280b2 རྒྱལ་བུས་ཡི་གེ་བླངས་ནས། ཡི་གེ་ལྀ་ཕྱག་འཚལ་ནས། ལན་བདུན་བསྐོར་བ་བྱས་ཏེ། མོད་ལ་ཕྱིར་ཡུལ་དུ་འགྲོ་བར་ཆས་སོ།། དེའི་ཚེ་རི་དེ་ནས་ཆས་པ་དང་། རི་དེ་ལ་གནས་པའི་རི་དགས
280b3 དང་ག་ཅན་གཟན་ལ་སོགས་པ་རྒྱལ་བུ་འགྲོའོ་ཞེས་ཐོས་ནས། ཐམས་ཅད་ལུས་ས་ལ་བརྡབས་ནས། ས་ལ་འགྲོ་ཞིང་ངུ་བའི་སྐད་ཕྱུང་ངོ་།། ཆུ་མིག་རྣམས་ཀྱང་བསྐམས་ཏེ། གཅན་གཟན་དང་རི་དགས
280b4 ཀྱི་ཕྲུག་གུའང་མི་ནུ། འདབ་ཆགས་བྱ་མང་པོའང་སྙིང་རྗེའི་སྐད་ཀྱིས་སྒྲ་ཕྱུང་ངོ་།། དེ་ནས་རྒྱལ་བུ་གོས་གྱོན་ནས། བཙུན་མོ་དང་འགྲོགས་ཏེ་ཕྱིར་ཡུལ་དུ་སོང་བ་ལས། དགྲ་ཟླའི་ཡུལ་གྱི་རྒྱལ
280b5 པོས་རྒྱལ་བུ་ཕྱིར་འོངས་སོ་ཞེས་ཐོས་ནས་བལ་གྱི་གླང་པོ་ཆེ་དཀར་པོ་ལ་གསེར་གྱི་སྒྲས་བསྟད་དེ། གསེར་གྱི་སྣོད་དུ་ནི་དངུལ་གྱི་ཉེའུས་བཀང་། དངུལ་གྱི་སྣོད་དུ་ནི་གསེར་གྱི་ཉེའུས་བཀང་བ
280b6 བཤམས་ནས། རྒྱལ་བུ་བསུ་བའི་ཕྱིར་ནམ་མཁའ་ལ་བསྟོད་དེ། རྒྱལ་བུ་བསུས་ནས། རྒྱལ་པོའི་འཕྲིན་དུ་འདི་སྐད་ཅེས་གསོལ་ཏོ།། བདག་ནི་མི་ཤེས་པའི་དབང་དུ་གྱུར་ཏེ། རྒྱལ་བུ་ལས
280b7 བལ་གྱི་གླང་པོ་ཆེ་བསླངས་པས། དེའི་རྐྱེན་གྱིས་རྒྱལ་བུ་སྤངས་པར་གྱུར་པ་དེ་འགྱོད་པས་ན། མཐོལ་ཚངས་སུ་གསོལ་ལོ།། ང་རྒྱལ་བུ་སླར་གཤེགས་ཞེས་ཐོས་ནས། རབ་ཏུ་དགའ་སྟེ།
iiif viewer powered by OpenSeadragon
