| e-texts navigator |
| Wylie |
280a1 བཅུག་པའང་། ཐོག་མ་པས་བསམས་པ་ལྟར་མ་གྱུར་ཏེ། དེ་སྙིང་རྗེའི་སེམས་ཙམ་ཡང་མ་མཆིས་ཏེ། ལྟོགས་ཤིང་སྐོམ་པ་བཞིན་དུ་འདུག་པ་འདི་མིག་གིས་ཀྱང་སུ་ཞིག་གིས
280a2 བཟོད། བདག་གི་ཕས་ནི་བུའང་མི་འཕངས་པར་ཕ་རོལ་པོ་ལ་སྦྱིན་པ་བྱེད་ན། རྒྱལ་པོ་ཆེན་པོས་མི་གཅིག་གི་ཁ་ཟས་ཙམ་ལ་སེར་སྣ་མཛད་དམ་ཞེས་གསོལ་པ་དང་། རྒྱལ་པོས་ཀྱང་བྲམ་ཟེ་དེ་ལ་ཁ་ཟས
280a3 ཀྱིས་ཚིམ་པར་བྱིན་ནས། བྲམ་ཟེའང་རབ་ཏུ་དགའ་སྟེ། ཕྱིར་བདག་གིས་ཡུལ་དུ་སོང་ངོ་།། དེ་ནས་རྒྱལ་པོས། རྒྱལ་བུ་འགུགས་པའི་ཕོ་ཉ་བཏང་ནས། ཕོ་ཉའང་དེ་མ་ཐག་ཏུ་ཆས་ཏེ། རྒྱལ་བུ་ག
280a4 ལ་བ་དེར་སོང་ངོ་། ། དེར་ཕྱིན་པ་དང་། ཆུ་ཞིག་ལ་མ་ཐར་ནས། ཕོ་ཉ་དེས་རྒྱལ་བུ་ཉིད་ཡིད་ལ་བྱས་ཏེ། བསམས་མ་ཐག་ཏུ་ཆུ་དེ་ལས་ཐར་ནས། རྒྱལ་བུ་གང་ན་བ་དེར་ཕྱིན་ཏེ། རྒྱལ་པོའི་བཀས
280a5 རྒྱལ་བུ་སླར་ཡུལ་དུ་གཤེགས་སུ་གསོལ་ཞེས་བསྒྲེའོ། ། རྒྱལ་བུས། ཕོ་ཉ་ལ་སྨྲས་པ། ཐོག་མ་རྒྱལ་པོས་ལོ་བཅུ་གཉིས་ཀྱི་བར་དུ་རི་ལ་སྒོམས་ཤིག་ཅེས་བསྒོ་སྟེ། ད་དུང་ལོ་གཅིག་མ་ཚང་བས།
280a6 ད་ལོ་ཚང་ནས་བདག་འགྲོའོ་ཞེས་བསྒོའོ།། དེ་ནས་ཕོ་ཉའང་ཕྱིར་ལོག་ནས། རྒྱལ་པོ་ལ་དེ་བཞིན་དུ་གསོལ་བ་ལས། རྒྱལ་པོ་ཉིད་ཕྱག་དར་ཏེ་ཡི་གེ་བྲིས་ནས། ཕྱིར་ཕོ་ཉ་ལ་བསྐུར་ཏེ། འདི་སྐད
280a7 ཅེས་བསྒོའོ། ། ཁྱོད་ནི་མིའི་ནང་ན་མཁས་པ་ཤེས་རབ་ཅན་ཡིན་པས། འགྲོ་བ་ལའང་བཟོད་ཅིང་། འོང་བ་ལའང་བཟོད་པ་ཡིན་ན། ཅིའི་ཕྱིར་ཁྲོས་ཏེ་འོང་དུ་མི་བཏུབ། ཁྱོད་དང་ལྷན་ཅིག་བཟའ
iiif viewer powered by OpenSeadragon
