| e-texts navigator |
| Wylie |
279b1 བ་འམ། བྲམ་ཟེས་སྐྲག་པའང་མ་ལགས་ན། ཐོག་མ་རྒྱལ་པོ་ཆེན་པོའི་ཚ་བོ་ལས། ད་ལྟར་མིའི་བྲན་ཁོལ་དུ་གྱུར་པས། གང་ནའང་མིའི་བྲན་ཁོལ་རྒྱལ་པོའི་ཕང་དུ་འདུག་པའི་ཆོས་མེད་པས་མི
279b2 སྤོབས་སོ། ། རྒྱལ་པོས་དེ་སྐད་ཅེས་སྨྲས་པ་ཐོས་ནས། ལྷག་པར་མྱ་ངན་གྱིས་གདུངས་པར་གྱུར་ཏེ། མི་དགའ་བར་གྱུར་ནས། བུས་གསོལ་པ་བཞིན་དུ་བྲམ་ཟེ་ལ་རིན་བྱིན་ཅིག་ཅེས་བསྒོ་ནས། བུ་གཉིས
279b3 གདོད་རྒྱལ་པོའི་ཕང་དུ་བླངས་སོ། ། བུ་གཉིས་རྒྱལ་པོས་བླངས་ནས། ཕྱག་གིས་བུ་གཉིས་ཀྱི་མགོ་ནས་བྱུགས་ཏེ། འདི་སྐད་ཅེས་སྨྲས་སོ།། ཁྱེད་རི་ལ་གནས་པ་ན། ཟས་སུ་ནི་ཅི་ཟ། གོས་སུ་ནི
279b4 ཅི་གྱོན་ཅེས་དྲིས་ན། བུ་གཉིས་ན་རེ། ཟས་སུ་ནི་ཤིང་གི་འབྲས་བུ་ཤིང་ཐོག་ཟ། གོས་སུ་ནི་པགས་པ་དང་སྣམ་བུ་གྱེན་ཏེ། བྱ་མང་པོ་དང་རྩེ་དགའ་བས། མྱ་ངན་གྱི་སེམས་མེད་དོ་ཞེས་གསོལ་ཏོ།།
279b5 དེ་ནས་རྒྱལ་པོས་བྲམ་ཟེ་དེ་ལ་ཕྱི་རོལ་དུ་སོང་ཞིག་ཅེས་བསྒོ་བ་དང་། བུ་གཉིས་ཀྱིས། རྒྱལ་པོ་ལ་འདི་སྐད་ཅེས་གསོལ་ཏོ།། བྲམ་ཟེ་འདི་རབ་ཏུ་བཀྲེས་སྐོམ་གྱིས་ཉེན་ན། དེ་ལ་ཁ་ཟས་ཀྱིས
279b6 ཚིམ་པར་མཛད་དུ་གསོལ་ལོ། ། རྒྱལ་པོས་སྨྲས་པ། ཁྱེད་ལ་མི་དགའ་བ་འམ། ཁོན་དུ་འཛིན་པ་མེད་པར། ཕྱིར་ཁ་ཟས་སྦྱིན་པར་སེམས། བུས་སྨྲས་པ། བདག་གི་ཕ་བྱང་ཆུབ་ཀྱི་ལམ
279b7 ལ་དགའ་བས། ནོར་རྫས་ཀྱིས་སྦྱིན་དུ་མེད་དེ། བདག་གི་ལུས་ཀྱིས་སློང་བ་ལ་བྱིན་པའང་བདག་ཅག་ལ་དབང་བའི་བདག་པོ་ལགས་ཏེ། འདིས་བདག་ཅག་ལ་བཀོལ་བའི་ལས་ཙམ་བྱེད་དུ་མ
iiif viewer powered by OpenSeadragon
