| e-texts navigator |
| Wylie |
279a1 ཟེར་རོ། ། རྒྱལ་པོས་བྱིས་པ་གཉིས་འོང་བོས་ཏེ། ཕང་པར་བླང་སྙམ་པ་ལས་བུ་གཉིས་འོང་དུ་མ་བཏུབ་བོ།། དེ་ནས་རྒྱལ་པོས་བུ་འདི་གཉིས་ཀྱི་རིན་ཇི་ཙམ་འདོད་ཅེས་དྲིས་ན
279a2 བྲམ་ཟེས་སྨྲ་མ་ཁོམ་པར་ཁྱེའུས་འདི་སྐད་ཅེས་གསོལ་ཏོ། ། བདག་བུ་ཕོ་ནི་དངུལ་གྱི་དོང་ཙེ་སྟོང་དང་བ་གླང་ཞིག་རིའོ།། བུ་མོ་ནི་གསེར་གྱི་དོང་ཙེ་སྟོང་དང་བ་བཞོན་ཉིས་བརྒྱ་རིའོ་ཞེས་གསོལ་པ་དང་། རྒྱལ
279a3 པོས་ཁྱེའུ་ལ་འདི་སྐད་ཅེས་སྨྲས་སོ། ། འཇིག་རྟེན་གྱི་ཆོས་ཀྱིས་མིའི་ནང་ན་ཕོ་ནི་རིན་པོ་ཆེ་དབྱིག་ལྟར་རིན་ཆེ་བ་ཡིན་ན། ཅིའི་ཕྱིར་བུ་ཕོ་ནི་རིན་ཆུང་། བུ་མོ་ནི་རིན་ཆེ་བར་འདེབས། བུ་ཁྱེའུས་གསོལ་པ
279a4 ཕོ་བྲང་གི་སླས་ལྟ་བུ་རྒྱལ་པོ་དང་ཉེ་བ་མ་ལགས་ལ། མ་རབས་བྲན་ལས་སླས་སུ་བཞེས་ཏེ། དེ་ལ་ཐུགས་དགྱེས་པས། བཀུར་ཞིང་བཙུན་པར་མཛད་ད། རིན་པོ་ཆེའི་གོས་སྐོན་ཞིང་། བཟའ་བ
279a5 དང་བཏུང་བ་རོ་བརྒྱ་དང་ལྡན་པ་བསྟབས་ནས། སྲས་གཅིག་པུ་ཞིག་མངའ་བ་རི་ལ་སྤངས་ཏེ། ཡ་བ་ཅན་ཕོ་བྲང་གི་སླས་དང་རོལ་ཅིང་། རོལ་མོ་མཛད་ཀྱང་། སྲས་ལ་ཅུང་ཟད་ཙམ་ཡང་དགོངས
279a6 པའི་ཐུགས་ཀྱང་མ་མངའ་བས། དེ་བས་ན་བུ་ཕོ་ནི་རིན་ཆུང་ལ། བུ་མོ་ནི་རིན་ཆེ་བར་མངོན་ནོ།། རྒྱལ་པོས་དེ་སྐད་ཅེས་སྨྲས་པ་ཐོས་ནས། ལྷག་པར་མི་དགའ་བའི་མྱ་ངན་སྐྱེས་ཏེ་འདི་སྐད་དུ།
279a7 བདག་ནི་རབ་ཏུ་གནོད་ན། ཁྱེད་ཅིའི་ཕྱིར་ཁོ་བོའི་ཕང་དུ་མི་འོང་། ཁྱེད་ང་ལ་མི་དགའ་འམ། འོན་ཏེ་བྲམ་ཟེས་འཇིགས་ཞེས་དྲིས་ན། བྱིས་པ་ན་རེ། བདག་ཅག་ནི་རྒྱལ་པོ་ཆེན་པོ་ལ་མི་དགའ
iiif viewer powered by OpenSeadragon
