| e-texts navigator |
| Wylie |
277a1 ལྡན་ཏེ། རྒྱལ་བུ་ག་ལ་བ་དེར་སོང་ནས། འདི་སྐད་ཅེས་སྨྲས་སོ།། རྒྱལ་བུ་ཁྱོད་སྦྱིན་པ་ལ་དགའ་བས། ཕ་རོལ་པོའི་ཡིད་དང་འགལ་བར་མི་བྱེད་ཅེས་གྲག་སྟེ། བདག་ཀྱང
277a2 ཆེད་དུ་འདིར་སློང་དུ་འོངས་ཀྱིས། ཁྱོད་ལ་བཙུན་མོ་ཡོད་པ་དེ་བདག་ལ་བྱིན་ཅིག། རྒྱལ་བུས་སྨྲས་པ། ཤིན་ཏུ་ལེགས་ཏེ། དེ་བཞིན་དུ་སྦྱིན་ནོ་ཞེས་སྨྲས་སོ།། བཙུན་མོས་སྨྲས་པ། བདག་ཀྱང་ཕ་རོལ
277a3 པོ་ལ་བྱིན་ན། རྒྱལ་བུའི་གཡོག་སུས་བྱ། རྒྱལ་བུས་སྨྲས་པ། ད་ཁྱོད་ཀྱང་སྦྱིན་པ་མ་བྱས་ན། ཇི་ལྟར་ཡང་བླ་ན་མེད་པ་མཉམ་སྙོམས་པའི་བྱང་ཆུབ་ཐོབ་པར་འགྱུར། དེ་ནས་རྒྱལ་བུས་ཆུ་སྣོད
277a4 ཐོགས་ཏེ། བྲམ་ཟེའི་ལག་པ་བཀྲུ་བའི་ཕྱིར། ལག་པར་ཆུ་བླུགས་ནས། བཙུན་མོའང་བྲམ་ཟེ་ལ་ཕུལ་ལོ།། དེ་ལྟར་རྒྱལ་བུ་ལ་འགྱོད་པའི་སེམས་ཅུང་ཟད་ཀྱང་མེད་པར་བརྒྱ་བྱིན་གྱིས་རྟོགས
277a5 ནས་ལྷ་རྣམས་ཀྱིས་བསྟོད་ཅིང་བསྔགས་ཏེ། གནམ་སའང་ཆེར་གཡོས་སོ།། དེ་ནས་བྲམ་ཟེས་བཙུན་མོ་ཁྲིད་དེ། གོམ་པ་བདུན་ཙམ་དུ་ཕྱིན་པ་དང་། ཕྱིར་ལོག་ནས་བཙུན་མོ་འདི་རྒྱལ་བུ་ལ
277a6 ཕྱིར་གདམས་ཀྱིས། སུ་ལའང་མ་བྱིན་ཅིག་ཅེས་སྨྲས་སོ།། རྒྱལ་བུས་སླར་སྨྲས་པ། ཅིའི་ཕྱིར་མི་ཁྲིད། མི་འདོད་དམ། ཅི་མིར་སྐྱེས་པའི་ཆུང་མའི་ནང་ན། ཆུང་མ་འདི་ནི་ཤིན་ཏུའང་བཟང
277a7 ཞིང་མཛེས་ཏེ། རྒྱལ་པོའི་བུ་མོ་ཡིན་ལ། རྒྱལ་པོ་དེ་ལ་བུ་མོ་འདི་གཅིག་པུ་ལས་མེད་དེ། ཆུང་མ་འདི་ནི་བདག་ལ་ཆུ་གང་ཆེ་བས། ཁ་ཟས་བཙོ་བ་དང་། བསྲེག་པའང་ལག་དར་ཏེ་བྱེད། བཟའ་བ་དང
iiif viewer powered by OpenSeadragon
