| e-texts navigator |
| Wylie |
276b1 མེ་མཛད་ཀྱི་ཚེ་དམ་ཇི་ལྟར་བཅས་པ་མི་དྲན་ནམ། དེའི་ཚེ་དེའི་དུས་ན། བདག་ནི་བྲམ་ཟེའི་བུ་གཞོན་ནུ་ཞེས་བྱ། ཁྱོད་ནི་བྲམ་ཟེའི་བུ་མོ་སུ་ཏ་རི་ཞེས་བྱ་སྟེ། ཁྱོད་ནི་དེའི་ཚེ་མེ་ཏོག་པདྨོ་བདུན་ཞིག་ཐོགས
276b2 བདག་ལ་དངུལ་གྱི་དོང་ཙེ་ལྔ་ཞིག་ཡོད་དེ། ཁྱོད་ལས་པདྨོ་ལྔ་ཞིག་ཉོས་ནས། སངས་རྒྱས་ལ་ཕུལ་བར་བྱས་པ་ལས། ཁྱོད་ཀྱིས་པདྨོ་ལྷག་མ་གཉིས་པོ་ཡང་ང་ལ་བྱིན་ཏེ། སངས་རྒྱས་ལ་འབུལ་གྱིས
276b3 སྨོན་ལམ་དུ་ཡང་། བདག་སྐྱེ་བ་ཕ་རོལ་ཏུ་རྟག་པར་ཁྱོད་ཀྱི་ཆུང་མར་ཤོག་ཅིག་ཅེས་སྨོན་ལམ་བཏབ་པ་ལས། བདག་དེའི་ཚེ་ཁྱོད་དང་འདི་སྐད་ཅེས་དམ་མ་བཅས་སམ། ཁྱོད་བདག་གིར་ཆུང་མར
276b4 དགའ་ན། བདག་གི་ཡིད་དང་འགལ་བར་མ་བྱེད་ཅིག། བདག་སྦྱིན་པ་ཞིག་བྱེད། ཕ་མ་གཉིས་མ་གཏོགས་པར་གཞན་སྦྱིན་ཡང་། བདག་གི་ཡིད་བཞིན་དུ་སྦྱིན་པ་ལས་འགལ་བར་མ་བྱེད་ཅིག་ཅེས
276b5 དམ་བཅས་པ་ལས། དེའི་ཚེ་ཁྱོད་ན་རེ། དེ་བཞིན་དུ་བྱའོ་ཞེས་མ་ཟེར་རམ། ད་ཁྱོད་ཀྱི་བུ་གཉིས་གཞན་ལ་སྦྱིན་པ་ལ་བདག་གི་དགེ་བའི་སེམས་དཀྲུག་ཏུ་ཡང་ཙོ་ཞིག་ཡོད་ཅེས་རྒྱལ་བུས་སྨྲས་མ་ཐག
276b6 ཏུབཙུན་མོས་ཐོས་པ་ཙམ་གྱིས། སེམས་དང་ཡིད་ཀྱི་སྔོན་གྱི་གནས་དྲན་པའི་མངོན་པར་ཤེས་པ་ཚོར་བར་གྱུར་ཏེ། རྒྱལ་བུའི་བསམ་པ་མྱུར་དུ་རྫོགས་པར་འདོད་པས། ཡིད་བཞིན་དུ་སྦྱིན་པ
276b7 ལ་རྗེས་སུ་ཡི་རང་བར་གྱུར་ཏོ། ། དེ་ནས་ལྷའི་དབང་པོ་བརྒྱ་བྱིན་རྒྱལ་བུས་སྦྱིན་པ་བྱིན་པ་ཇི་ལྟར་སེམས་པ་བསམ་པའི་ཕྱིར། བྲམ་ཟེ་ཞིག་ཏུ་སྤྲུལ་ཏོ།། བྲམ་ཟེ་དེའང་མི་སྡུག་པ་རྣམ་པ་བཅུ་གཉིས་དང
iiif viewer powered by OpenSeadragon
