| e-texts navigator |
| Wylie |
275b1 རྐང་པ་གཡོན་པ་མཐིལ་གཡའ་ཞིང་གཡོ་བ་དང་། མིག་གཡོན་པའང་འགུལ། ནུ་མ་གཉིས་ནས་ནུ་ཞོའང་རང་ཟག་པར་གྱུར་ནས་འདི་སྙམ་དུ་འདི་འདྲ་བའི་ལྟས་ངན་གནའ་ནས་མ་བྱུང་ན། བདག་གི་བུ་གཉིས
275b2 ལ་ཡེ་འདྲོག་མ་བྱུང་ངམ་སྙམ་བསམས་ནས། ཤིང་ཐོག་གིས་ཅི་ཞིག་བྱ་སྙམ་སྟེ། ཤིང་ཐོག་བརྡ་བའང་བཏང་ནས། མྱུར་བར་ཕྱིར་གནས་སུ་འགྲོ་བར་ཆས་སོ།། དེའི་ཚེ་སུམ་ཅུ་རྩ་གསུམ་པའི་གནམ་གྱི་ལྷའི
275b3 དབང་པོས་རྒྱལ་བུས་གཞན་ལ་བུ་བྱིན་པར་ཤེས་ནས། བཙུན་མོས་དག་པར་བསམས་པའི་སེམས་ཀྱི་བར་ཆད་བྱེད་དུ་དོགས་པས་སེང་གེ་ཞིག་ཏུ་སྤྲུལ་ནས། ལམ་གྱི་སྲང་དུ་བསྡད་ངོ་།། བཙུན་མོས། སེང་གེ
275b4 ལ་སྨྲས་པ། ཁྱོད་ནི་གཅན་གཟན་གྱི་རྒྱལ་པོ། ཁོ་མོ་ནི་མིའི་རྒྱལ་མོ་ཡིན་ཏེ། རི་ལ་འཁོད་པར་འདྲ་ན། ཅུང་ཟད་ལམ་ལས་བྱོལ་ཏེ་བདག་ཐོང་ཞིག། བདག་ལ་ཆུང་ངུ་མ་ཤེད་མ་བྱེ་བ་གཉིས་ཤིག་ཡོད་དེ
275b5 ད་ཙམ་གྱི་བར་དུ་ཅིའང་མ་ཟོས་པས། བདག་འོང་དུ་རེ་སྟེ་སྡོད་དོ།། སེང་གེས་ཀྱང་བྲམ་ཟེ་དེ་རྒྱང་རིང་དུ་ཐལ་བར་ཤེས་ནས། ལམ་ལས་བྱོལ་ཏེ་བཙུན་མོ་བཏང་ངོ་།། བཙུན་མོ་ཕྱིར་གནས་སུ་འོངས
275b6 ནས་རྒྱལ་བུ་འབའ་ཞིག་སྣང་གི། བུ་གཉིས་མ་མཐོང་བས། བདག་ཉིད་འདུག་པའི་སྤྱིལ་བུར་བལྟས་ན་ཡང་བུ་མ་མཐོང་། བུ་གཉིས་འདུག་པའི་སྤྱིལ་པོར་བལྟས་ན་ཡང་བུ་མ་མཐོང་སྟེ།
275b7 དེ་ནས་བུ་རྩེ་བའི་གནས་ཆུ་འགྲམ་དུ་བཙལ་ན་ཡང་མ་མཐོང་ངོ་།། སྔོན་བུ་དང་རྩེ་བའི་རི་དགས་ཤ་བ་དང་། ཁ་ཤ་དང་། གཅན་གཟན་སེང་གེ་དང་། སྤྲེའུ་ལ་སོགས་ཏེ། མདུན་ནས་ལུས་ས་ལ
iiif viewer powered by OpenSeadragon
