| e-texts navigator |
| Wylie |
275a1 བུ་གཉིས་ནི་དེ་ལྟར་ཁྲིད་ཀྱང་འགྲོར་མ་བཏུབ་སྟེ་འཐེན་པ་ལས། བྲམ་ཟེས་ལྕག་ཐོགས་ཏེ། དེད་ནས་གཞུས་པའི་ལམ་དུ་ཁྲག་ཕྱུང་བའང་ས་ལ་ཆལ་པར་གང་ངོ་།། རྒྱལ་བུས
275a2 དེ་ལྟར་མཐོང་ནས། མཆི་མ་བྱུང་སྟེ། མཆི་མ་ས་ལ་བོ་བས། ས་ཡང་བོལ་བར་གྱུར་ཏོ།། རྒྱལ་བུ་དང་། རི་དགས་དང་། གཅན་གཟན་མང་པོ་ཐམས་ཅད་ཀྱིས་བུ་གཉིས་བསྐྱལ་ཏེ། མི་སྣང་བར
275a3 གྱུར་པ་དང་། གཟོད་ཕྱིར་ལོག་གོ།། རི་དགས་དང་གཅན་གཟན་ལ་སོགས་པས་རྒྱལ་བུ་བསྐྱལ་ཏེ། ཕྱིར་རྒྱལ་བུ་དང་རྩེ་བའི་གནས་སུ་ཕྱིན་ནས། སྙིང་རྗེའི་སྐད་ཕྱུང་སྟེ། ལུས་ས་ལ་རྡེབས་ཤིང
275a4 འགྲེའོ། ། བྲམ་ཟེ་དེས་ལམ་དུ་ཞུགས་ཏེ་སོང་སོང་བ་ལས་ལམ་ཁར་སྐྱེ་ཤོང་ཞིག་ཡོད་པ་ལ་བུ་གཉིས་བཏགས་ཏེ་འདུག་གོ།། དེ་ནས་ཆས་པ་དང་བུ་གཉིས་ཕ་མ་དང་ཕྲད་དུ་ར་ནས། ཤིང་གི་ཕག་ལ་འཁྲི་ཞིང
275a5 འགྲོར་མ་བཏུབ་ནས། བྲམ་ཟེས་ཡང་གཞུས་པ་ལས། བུ་གཉིས་ཀྱིས་འདི་སྐད་ཅེས་སྨྲས་སོ།། བདག་ཅག་ལ་མ་རྡེག་ཅིག། བདག་ཅག་རང་འགྲོའོ་ཞེས་གནམ་ལ་ཡང་བལྟས་ཏེ། ཡང་འདི་སྐད
275a6 ཅེས་སྨྲས་སོ། ། རི་གཉེན་གྱི་ལྷ་དང་། ནགས་ཚལ་གྱི་ཤིང་ལྷ་རྣམས་བདག་ཅག་ལ་ཅུང་ཟད་ཐུགས་བརྩེ་བའི་དགོངས་པ་མི་མངའ་འམ། བདག་ཅག་ནི་ལམ་རིང་པོར་གཞན་གྱི་བྲན་ཁོལ་བྱེད་དུ་འགྲོ་སྟེ
275a7 མ་དང་བྲལ་བར་གྱུར་ན། བདག་ཅག་གི་མ་རི་ལ་ཤིང་ཐོག་ཚོལ་ཞིང་བརྡར་བཏང་སྟེ། མྱུར་དུ་བདག་ཅག་དང་ཕྲད་པར་ཤོག་ཅིག་ཅེས་མི་སྦྲན་ནམ་ཞེས། དེ་སྐད་སྨྲས་པ་དང་། བུའི་མ་རི་ལ་འདུག་པའི
iiif viewer powered by OpenSeadragon
