| e-texts navigator |
| Wylie |
274b1 བདག་ཅག་གཉིས་ཀྱིས་ཚེ་རབས་སྔ་མ་ལ་མི་དགེ་བའི་སྡིག་པ་ཅི་བགྱིས་ནས། འདི་ལྟ་བུའི་སྡུག་བསྔལ་མྱོང་བར་གྱུར། བདག་ནི་རྒྱལ་པོའི་རིགས་སུ་སྐྱེས་ནས་ཅིའི་སླད་དུ་ཕ་རོལ་པོའི་བྲན་ཁོལ་དུ་གྱུར
274b2 ཅེས་ཕ་རྒྱལ་བུ་ལ་སྡིག་བཤགས་ནས། འདིའི་རྒྱུ་འདིའི་རྐྱེན་གྱིས་སྡིག་པ་བྱང་ཞིང་། བསོད་ནམས་སྐྱེས་ཏེ། གང་ནས་གང་དུ་སྐྱེས་ཀྱང་། འདི་ལྟ་བུའི་སྡུག་བསྔལ་དང་ཕྲད་པར་མ་གྱུར་ཅིག་ཅེས
274b3 སྨྲས་སོ། ། རྒྱལ་བུས། བུ་ལ་སྨྲས་པ། འཇིག་རྟེན་མཛའ་ཞིང་སྡུག་གེ་ཅོག་མཐར་བྱེ་བྲལ་བར་གྱུར་ཏེ། ཐམས་ཅད་མི་རྟག་པས་ཡིད་བརྟན་དུ་མི་རུང་། ཁོ་བོས་ནམ་བླ་ན་མེད་པའི་མཉམ་སྙོམས
274b4 པའི་བྱང་ཆུབ་ཐོབ་པ་ན། ཁྱེད་ཐར་པའི་དོན་བྱའོ་ཞེས་བསྒོའོ།། བུ་གཉིས་ཀྱིས། ཡང་ཡབ་རྒྱལ་བུ་ལ་སྨྲས་པ། བུས་ནི་མ་ལ་མཆི་ཕྱག་བགྱི་བ་ལགས་ན། ད་གཞར་ཡང་མི་ཕྲད་དེ། མའི་ངོ་མ
274b5 མཐོང་བ་ཡང་། བདག་ཅག་གི་སྔོན་གྱི་སྡིག་པའི་ལས་ཀྱིས་གདུངས་པར་ཟད་ན། བདག་ཅག་གི་མ་ཅིའི་ཕྱིར་མྱ་ངན་གྱིས་གདུངས་ཤིང་། སྡུག་བསྔལ་བར་མི་འགྱུར་ཞེས་སྨྲེ་སྔགས་འདོན་ཏོ།། བྲམ་ཟེ
274b6 སྨྲས་པ། བདག་རྒས་ལ་ཉམ་ཆུང་བས། བྱིས་པ་འདི་གཉིས་བདག་བོར་ཏེ། མའི་ཐད་དུ་བྲོས་པར་གྱུར་ན། བདག་གིས་བྱར་མེད་པར་འགྱུར་གྱིས། ཁྱོད་ཀྱིས་ཆིངས་ལ་བཀྲིས་ཤིག་ཅེས
274b7 སྨྲས་པ་དང་། རྒྱལ་བུས་ཀྱང་བུ་གཉིས་ཀྱི་ལག་པ་ཕྱིང་ཀ་ལོག་ཏུ་བཟུང་སྟེ། བྲམ་ཟེ་ཉིད་འཆིང་དུ་བཅུག་ནས། ཕྱིང་ཀ་ལོག་ཏུ་བཅིངས་པའི་ཐེག་པ་བྲམ་ཟེའི་ལག་པར་བྱིན་ཏེ་སྦྲེལ་ནས་ཁྲིད་དོ།།
iiif viewer powered by OpenSeadragon
