| e-texts navigator |
| Wylie |
274a1 རྒྱལ་བུའི་མཚན་དུ་བྲོས་ནས་དུ་སྟེ་འདི་སྐད་ཅེས་སྨྲས་སོ། ། བདག་ཅག་གིས་བྲམ་ཟེ་དུ་མ་མཐོང་ན། འདི་འདྲ་བདག་ཅག་གིས་མ་མཐོང་སྟེ། འདི་བྲམ་ཟེ་མ་ལགས་ཀྱི། ཡང་།
274a2 དག་པར་ཡི་དགས་ལགས་པས། ད་བདག་ཅག་གི་མ་ཤིང་ཐོག་ཚོལ་དུ་མཆིས་པ་ལས། སླར་མ་འཁོར་བར་བདག་ཅག་གཉིས་ཡི་དགས་འདིའི་ཟས་སུ་སྤྲུལ་ན།། གདོན་མི་འཚལ་བར་འགུམ་མོ།།
274a3 བདག་ཅག་གི་མ་སླར་མཆིས་ཏེ། བུ་དང་མ་མཇལ་ན། ཇི་ལྟར་བ་དང་བེའུ་བྲལ་བ་ལྟར་ངུ་ཞིང་ཚེ་ངེས་འདེབས་ཏེ། མི་དགའ་བའི་མྱ་ངན་གྱིས་གདུངས་པར་འགྱུར་རོ།། རྒྱལ་བུས། བུ་ལ་བསྒོ་བ
274a4 ཁོ་བོས་སྦྱིན་པར་གནང་བས་བསྡད་དུ་མི་རུང་སྟེ། འདི་བྲམ་ཟེ་ཡིན་གྱིས། ཡི་དགས་མ་ཡིན་པས། མི་ཟས་ཀྱིས། ཁྱེད་གཉིས་འདིའི་ཕྱི་བཞིན་སོང་ཞིག། བྲམ་ཟེས་སྨྲས་པ། བདག་ནི་ད་ཆས
274a5 ཏེ་འགྲོའོ། ། གལ་ཏེ་བུའི་མ་འོངས་ན་འགྲོར་མེད་དེ། མ་བཏང་ན་རྒྱལ་བུས་བདག་ལ་བྱིན་པའི་དགེ་བའི་སེམས་བུའི་མས་ཟློག་ཅིང་ཉམས་པར་འགྱུར་དུ་དོགས་སོ།། རྒྱལ་བུས་སྨྲས་པ། བདག་གིས
274a6 སྦྱིན་པ་ཅི་བྱས་ཀྱང་ཐོག་མ་ནས་ཅི་ལའང་འགྱོད་པའི་སེམས་བྱུང་མ་མྱོང་ངོ་། ། དེ་ནས་རྒྱལ་བུས་ཆུ་སྣོད་ཐོགས་ཏེ། བྲམ་ཟེའི་ལག་པར་ཆུ་བླུགས་ནས། བུ་གཉིས་ཀྱི་ལག་པ་ནས་བཟུང་སྟེ། བྲམ་ཟེ་ལ་ཕུལ
274a7 བ་ན་ས་ཡང་རབ་ཏུ་གཡོས་སོ། ། བུ་གཉིས་བྲམ་ཟེའི་ཕྱི་བཞིན་མཆིར་མ་བཏུབ་ནས། ཕྱིར་རྒྱལ་བུའི་དྲུང་དུ་འོངས་ཏེ། པུས་མོ་ས་ལ་བཙུགས་ནས། ཕ་རྒྱལ་བུ་ལ་འདི་སྐད་ཅེས་གསོལ་ཏོ།།
iiif viewer powered by OpenSeadragon
