| e-texts navigator |
| Wylie |
272b1 ཟེ་ཡུལ་ཡ་བ་ཞེས་བྱ་བ་ག་ལ་བ་དེར་སོང་སྟེ། དེར་ཕྱིན་པ་དང་། རྒྱལ་པོའི་ཕོ་བྲང་གི་སྒོར་འོངས་ནས། སྒོ་སྲུངས་པ་ལ་རྒྱལ་བུ་དོན་གྲུབ་ད་ལྔར་ག་ལ་འདུག་ཅེས་དྲིས་པ་དང་། སྒོ་སྲུངས་དེ་ཕོ་བྲང་གི་ནང
272b2 དུ་སོང་ནས། རྒྱལ་པོ་ད་ལྟར་ཕྱི་རོལ་ན། བྲམ་ཟེ་ཞིག་རྒྱལ་བུ་དོན་གྲུབ་ག་རེ་ཞེས་འདྲིའོ།། རྒྱལ་པོས་རྒྱལ་བུ་ག་རེ་ཞེས་སྨྲ་བའི་ཆོག་ཐོས་པ་ཙམ་གྱིས་སེམས་འཁྲུགས་ཤིང་ཁྲོས་ནས། འདི་སྙམ་དུ
272b3 འདི་འདྲ་བ་ཤ་སྟག་གི་ཕྱིར། ངའི་སྲས་སྤངས་པར་གྱུར་ན། དེ་ཡང་སློང་དུ་འོངས་སྙམ་བསམས་ནས། དཔེ་འདི་སྐད་ཅེས་བརྗོད་པར་གྱུར་ཏོ།། དཔེར་ན་མེ་ནི་རང་བཞིན་གྱིས་ཚ་ཞིང་འབར་བ་ཡིན་ན། དེའི
272b4 སྟེང་དུ་ཤིང་བསྣན་པ་དང་འདྲ་སྟེ། བདག་ཀྱང་ད་ལྟར་མྱ་ངན་གྱིས་གདུངས་ཏེ་མེ་དང་འདྲ་བ་ལས། ད་ཡང་རྒྱལ་བུ་ག་རེ་ཞེས་འདྲི་བ་ན་མེ་ལ་ཤིང་གིས་བསྣན་པ་དང་འདྲའོ།། བྲམ་ཟེས་གསོལ་པ
272b5 བདག་ནི་ལམ་རིང་པོ་ནས་འོངས་པ་ཡང་། རྒྱལ་བུ་རྒྱལ་ཚབ་མིའི་ཡིད་དང་མི་འགལ་བར་སྦྱིན་པ་བགྱིད་དོ་ཞེས་མིང་སྙན་པ་སྟེང་དུ་གནམ་ལ་ཐུག། འོག་ཏུ་ཆུ་མིག་གི་གཏིང་ལ་ཐུག་གི་བར
272b6 དུ་གྲགས་པ། བདག་ལམ་རིང་པོ་ནས་རེ་བ་ཡོད་པར་འོངས་སོ།། རྒྱལ་པོས་སྨྲས་པ། རྒྱལ་བུ་དོན་གྲུབ་ན་དེ་ལྟར་རི་ཤིན་ཏུ་དབེན་པ་ན་གནས་ཏེ། རབ་ཏུ་དབུལ་ཞིང་ཅིའང་མེད་ན། ཁྱོད་ལ
272b7 ཅི་ཞིག་སྦྱིན་དུ་ཡོད། བྲམ་ཟེས་སྨྲས་པ། རྒྱལ་བུ་ལ་ཅིའང་མེད་ཀྱང་། བདག་ཕྲད་པར་དགའ་འོ་ཞེས་སྨྲས་པ་དང་། རྒྱལ་པོས་ཀྱང་གཞན་ཞིག་ལ་ལམ་སྟོན་ཅིག་ཅེས་བསྒོའོ།། དེ་ནས་བྲམ་ཟེ་སོང
iiif viewer powered by OpenSeadragon
