| e-texts navigator |
| Wylie |
271b1 གིས་ཤིང་གི་ལོ་མ་བླངས་ཏེ། གདོང་གི་ཁྲག་ཕྱིས་ནས། ཆུ་འགྲམ་དུ་ཁྲིད་དེ་ཁྲག་ཕྱིས་པ་ཡང་རྒྱལ་བུས་རྒྱང་མ་ནས་མཐོང་། དེའི་ཚེ་ཡུལ་ཀེའུ་ལེའུ་ཞེས་བྱ་བར་བྲམ་ཟེ་དབུལ་པོ་ཞིག་ལོ་བཞི་བཅུ་ལོན
271b2 ནས་ཆུང་མ་བླངས་སོ། ། ཆུང་མ་ནི་རབ་ཏུ་བཟང་ཞིང་སྡུག་ལ། བྲམ་ཟེ་དེ་ནི་རབ་ཏུ་མི་སྡུག་པའི་མཚན་མ་བཅུ་གཉིས་རྫོགས་པར་ཡོད་དེ། དེའི་ལུས་མདོག་སོལ་བ་ལྟར་གནག་ལ། གདོང་ལ་འབུར
271b3 འབུར་པོ་གསུམ་ཡོད་པ། སྣ་འཁྱོར་ཞིང་མིག་གཉིས་ཤལ་ལྟར་སྔོ་བ། གདོང་གཉེར་མ་ཅན་ལ། མ་མཆུ་འཕྱང་བ། སྨྲ་བའི་སྐད་མི་སྙན་པ།། གསུས་པོ་ཆེ་ལ་རྐུ་བ་འབུར་བ། རྐང་པ་གཉིས
271b4 གྱོལ་བ། མགོ་ཤུབ་ཅན་ལ། སྐྲ་མེད་པ་འདྲེ་ལྟར་མི་སྡུག་པ་ཞིག་སྟེ། ཆུང་མས་ཀྱང་མཐོང་མི་འདོད་པ་ཙམ་དུ། ཤི་ཡང་བླ་ཞེས་རྒྱུན་དུ་དམོད་མོ་བྱེད་པ་ཞིག་ཡོད་དོ།། དུས་གཞན་ཞིག་ན
271b5 ཆུང་མ་དེ་ཆུ་ཆུར་སེང་སོང་བ་ལས། ལམ་དུ་ཁྱོ་བ་གཞོན་ནུ་དག་ཁ་ཅིག་དང་ཕྲད་ནས། ཁྱོ་བ་རྣམས་ཀྱིས་ཁྱིམ་ཐབ་ཀྱི་ཁ་གཟུགས་འདི་འདྲའོ་ཞེས་ཅོ་འདྲི་ཞིང་བགད་ནས། ཁྱོད་ནི་དཔེ
271b6 མེད་པར་བཟང་ཞིང་སྡུག་ན། ཇི་ལྟར་འདི་འདྲ་བའི་ཆུང་མ་བྱེད་ནུས་ཞེས་སྨྲས་པ་དང་། ཆུང་མས། ཁྱོ་ག་དེ་དག་ལ་འདི་སྐད་ཅེས་སྨྲས་སོ།། རྒན་པོའི་མགོ་ནི་ཤིང་ལ་བ་མོ་ཆགས་པ
271b7 ལྟར་སྐྱ་བ་དེ། ནང་ནུབ་ཤི་བར་དགའ་ན། ཤིར་མི་བཏུབ། ཇི་ལྟར་བྱ་ཞེས་ཆུ་སྣོད་ཐོགས་ནས། ཕྱིར་ཁྱིམ་དུ་འོངས་ཏེ། ཁྱིམ་ཐབ་ལ་འདི་སྐད་ཅེས་སྨྲས་སོ།། བདག་ཆུ་ཆུར་སོང་སོང
iiif viewer powered by OpenSeadragon
