| e-texts navigator |
| Wylie |
270a1 རི་འདི་ལ་བལྟས་ན། ཤིང་དང་ཚལ་གནམ་ལ་རེག་པ་ཙམ་དུ་སྐྱེས་ན་ཡང་། བརྔས་པ་འམ། བཅད་པ་མེད་པས། ཆུ་མིག་ཞིམ་པོ་ལ་འཐུང་ཞིང་། འབྲས་བུ་མངར
270a2 བ་ཟ་སྟེ། རི་འདི་ལ་སྒོམ་པ་དག་ཡོད་པས། འདིར་གནས་པར་བྱའོ།། རྒྱལ་བུ་རི་དེ་ལ་ཕྱིན་པ་དང་། རི་དེ་ལ་གནས་པའི་འདབ་ཆགས་བྱ་དང་། གཅན་གཟན་དང་། རི་དགས་ཐམས་ཅད
270a3 རབ་ཏུ་དགའ་ནས། རྒྱལ་བུ་བསུས་སོ།། དེའི་ཚེ་རི་ལ་སྒོམ་པའི་དགེ་སློང་ཨ་ཙུ་ཏ་ཞེས་བྱ་བ་ལོ་ལྔ་བརྒྱ་ལོན་པ། ཡོན་ཏན་མཆོག་དང་ལྡན་པ་ཞིག་གནས་ཏེ། རྒྱལ་བུ་དེའི་དྲུང་དུ
270a4 སོང་ནས། ཕྱག་བྱས་ཏེ་ཕྱོགས་གཅིག་ཏུ་འདུག་ནས། འདི་སྐད་ཅེས་སྨྲས་སོ།། རི་འདི་ལ་གང་ཕྱོགས་ན་འབྲས་བུ་དང་ཆུ་མོག་བཟང་པོ་ལྡན་པ་གནས་སུ་རུང་བ་ཅི་ཡོད་ཅེས་དྲིས་པ་དང་།
270a5 ཨ་ཙུ་དས་སྨྲས་པ། རི་འདི་གནས་ཐམས་ཅད་དུ་བསོད་ནམས་དང་ལྡན་པའི་ས་གཞི་ཡིན་པས་གང་དུ་གནས་ཀྱང་རུང་སྟེ། རི་འདི་ནི་ཤིན་ཏུ་དབེན་པའི་གནས་གཙང་མ་ཡིན་པས་ན། ཅི་རྒྱལ
270a6 བུ་ཁྱོད་ཆུང་མ་དང་བུ་སྨད་དུ་བཅས་ཏེ་ཆོས་སློབ་ཏུ་འོངས་སམ། དེ་ལ་རྒྱལ་བུས་སྨྲ་མ་ཁོམ་པར། བཙུན་མོ་མན་ཏེས་སྨྲས་པ། དགེ་སློང་ལ་འདི་སྐད་ཅེས་སྨྲས་སོ།། བཙུན་པ་རི་ལ་ཡམ
270a7 བསྒོམས་ནས་ཇི་སྲིད་ཅིག་ལོན། དགེ་སློང་གིས་སྨྲས་པ། རི་འདིར་ཕྱིན་ནས། ལོ་བཞི་བརྒྱའམ། ལྔ་བརྒྱ་ཙམ་ལོན་ནོ།། བཙུན་མོ་མན་ཏེས་སྨྲས་པ། ད་དུང་བདག་དང་བདག་གི
iiif viewer powered by OpenSeadragon
