| e-texts navigator |
| Wylie |
269b1 སྨྲས་པ། ཡབ་རྒྱལ་པོས་བདག་ཅག་ལ་རི་དན་ཏིག་ཏུ་སོང་ཞེས་བཀའ་སྩལ་པས། ད་འདིར་འདུག་པར་གྱུར་ན། རྒྱལ་པོའི་བཀའ་དང་འགལ་ཏེ། བུ་སྲི་ཞུ་ཅན་མ་ཡིན་ནོ་ཞེས་སྨྲས་པས
269b2 རྒྱལ་བུ་དེ་མ་ཐག་ཏུ་བྱམས་པའི་སེམས་ཀྱིས་ཏིང་ངེ་འཛིན་དུ་ཞུགས་པ་དང་། མོད་ལ་ཆུའི་ནང་ནས་རི་ཆེན་པོ་ཞིག་བྱུང་ནས་ཆུའི་རྒྱུན་བཅད་དོ།། དེ་ནས་རྒྱལ་བུ་དང་བཙུན་མོ་གོས་བརྫེས་ཏེ།
269b3 ཆུ་བརྒལ་ནས། ཕར་བརྒལ་མ་ཐག་ཏུ། རྒྱལ་བུས་ཡང་འདི་སྙམ་དུ་བསམས་སོ།། ཐལ་བྱུང་སོང་བར་གྱུར་ན། ཆུ་འཁྱིལ་པ་འདིས་སེམས་ཅན་མང་དུ་འཆི་སྟེ། གྲོག་སྦུར་མང་པོ
269b4 ཆུས་ཁྱེར་བར་འགྱུར་སྙམ་བསམས་ནས་རྒྱལ་བུ་ཕྱིར་ཆུ་ལ་བལྟས་ཏེ། འདི་སྐད་ཅེས་སྨྲས་སོ།། ཆུ་ཁྱོད་སྔ་མཁོ་བཞིན་དུ་རྒྱུན་དུ་འབབ་ཅིང་གལ་ཏེ་བདག་འདོད་པ་ཞིག་འོངས་ན་ཡང་ཐར
269b5 པར་བྱོས་ཤིག་ཅེས་སྨྲས་མ་ཐག་ཏུ་ཆུ་ཡང་སྔ་མཁོ་བཞིན་དུ་འབབ་པར་གྱུར་ཏོ། ། དེ་ནས་སོང་བ་ལས་རོ་དན་ཏིག་ཏུ་ཕྱིན་ནས། རྒྱལ་བུས་རི་དེ་ལ་བལྟས་ན། རི་དེ་རང་རོང་དང་ཟད་ཟེད་དུ
269b6 འདུག་ལ། ཤིང་མང་པོ་རབ་ཏུ་རྒྱས་ཤིང་། བྱ་སྣ་ཚོགས་ཀྱང་སྙན་པའི་སྒྲ་འབྱིན་འབབ་ཆུ་དང་། ཆུ་མིག་དང་། མཚེའུ་དང་། ལྟེང་ཀར་ལྡན་ཏེ། ཆུ་ནི་མངར། འབྲས་བུ
269b7 ཞིམ་ཆུ་བྱ་དང་། ངང་ངུར་དང་། འཛིན་མོ་དང་། རི་སྐེགས་ལ་སོགས་པ་བྱ་རྣམ་པ་སྣ་ཚོགས་དག་ཀྱང་གནས་པ་མཐོང་ནས། རྒྱལ་བུས་བཙུན་མོ་ལ་ཡང་འདི་སྐད་ཅེས་སྨྲས་སོ།།
iiif viewer powered by OpenSeadragon
