| e-texts navigator |
| Wylie |
268b1 མོས་ནི་ཤིང་རྟའི་ཕྱི་ནས་ཕུལ། རྒྱལ་བུས་ནི་མདུན་ནས་དྲངས་ཏེ། རྐང་པས་ཤིང་རྟ་འདྲེན་ཅིང་སོང་བ་ལས། རིང་པོ་མ་ལོན་པར་ཡང་བྲམ་ཟེ་ཞིག་དང་ཕྲད་ནས། ཤིང་རྟ་བསླངས་པ་དང
268b2 རྒྱལ་བུས་ཤིང་རྟ་ཡང་བྲམ་ཟེ་ལ་བྱིན་ནོ། ། དེ་ནས་ཡང་སོང་བ་ལས། རིང་པོ་མ་ལོན་པར་ཡང་བྲམ་ཟེ་སློང་བ་དང་ཕྲད་ནས། རྒྱལ་བུས་དེ་དག་ལ་འདི་སྐད་ཅེས་སྨྲས་སོ།། གལ་ཏེ་བདག་གིས
268b3 ཁྱོད་ལ་མ་བྱིན་ན་ནི། ཆགས་ཤིང་སེར་སྣ་བྱེད་པར་འགྱུར་ན། ད་ནི་བདག་ལ་ནོར་ཟས་ཟད་དེ་ཅིའང་མེད་དོ་ཞེས་སྨྲས་པ་དང་། བྲམ་ཟེ་ན་རེ། ནོར་རྫས་མེད་ན་ལུས་ལ་གྱོན་པའི་གོས་དེ་ང
268b4 ལ་བྱིན་ཅིག་ཅེས་སྨྲས་པ་དང་། རྒྱལ་བུས་ལུས་ལ་གྱོན་པའི་གོས་རིན་པོ་ཆེ་ཡང་སློང་བ་ལ་བྱིན་ཏེ། གོས་རྙིང་པ་ཞིག་གྱོན་ཏེ་དོང་བ་ལས། རིང་པོ་མ་ལོན་པར་བྲམ་ཟེ་ཡང་སློང་བ་ཞིག་དང་།
268b5 ཕྲད་ནས། རྒྱལ་བུས་བཙུན་མོའི་གོས་བྱིན་ནོ།། དེ་ནས་ཡང་དོང་བ་ལས། རིང་པོ་མ་ལོན་པར་བྲམ་ཟེ་སློང་བ་དང་ཕྲད་ནས་རྒྱལ་བུས་སྲས་གཉིས་ཀྱི་གོས་ཀྱང་བྱིན་ནོ།། དེ་ལྟར་རྒྱལ་བུས
268b6 རྟ་དང་། ཤིང་རྟ་དང་། ནོར་རྫས་དང་། བགོ་བའི་གོས་ཀྱི་བར་དུ་མ་ལུས་པ་ཟད་པར་བྱིན་པ་ཡང་། ཐོག་མ་ནས་འགྱོད་པའི་སེམས་སྐྲའི་ཉག་མ་ཙམ་མམ། བ་སྤུ་ཙམ་ཡང་མེད་དོ།།
268b7 རྒྱལ་བུས་ནི་སྲས་བུ་ཁུར་དུ་ཐོགས་བཙུན་མོས་ནི་སྲས་མོ་ཕང་དུ་ཁྱེར་ནས། རྐང་པས་སོང་ཡང་རྒྱལ་བུ་དང་། བཙུན་མོ་དང་། སྲས་གཉིས་ཀྱིས་བར་དུ་དགའ་བའི་མདངས་དང་བཅས
iiif viewer powered by OpenSeadragon
