| e-texts navigator |
| Wylie |
268a1 ཡུམ་ལ་མཆི་ཕྱག་བྱས་ཏེ་དོང་ངོ་།། དེའི་ཚེ་བཙུན་མོ་ཉི་ཁྲིས་ནི་སོ་སོ་ནས་མུ་ཏོག་གི་ཆུན་པོ་རེ་རེ་བརྫངས་སོ།། བློན་པོ་ཆེན་པོ་བཞི་སྟོང་གིས་ནི་རིན་པོ་ཆེ་སྣ་བདུན་ལས
268a2 བྱས་པའི་མེ་ཏོག་དང་པདྨོ་རེ་རེ་རྒྱལ་བུ་ལ་བརྫངས་སོ། ། དེ་ནས་རྒྱལ་བུ་ཕོ་བྲང་ནས་བྱུང་སྟེ། གྲོང་ཁྱེར་གྱི་བྱང་སྒོར་ཕྱིན་ནས། རིན་པོ་ཆེ་སྣ་བདུན་གྱི་མེ་ཏོག་དང་དོ་ཤལ་ཡང་རིལ་གྱིས་ཕྱོགས་བ་ཞི
268a3 ནས་འདུས་པ་ལ་མ་ལུས་པར་བྱིན་ནོ། ། ལུང་པ་དེ་ན་གནས་པའི་མི་མང་པོ་ཁྲི་ཕྲག་དུ་མས་རྒྱལ་བུ་བསྐྱལ་ཏེ། དེ་དག་འདི་སྐད་ཅེས་གཏམ་དུ་བརྗོད་དོ།། རྒྱལ་བུ་འདི་ནི་ཤིན་ཏུ་དགེ་བ།། ཡུལ
268a4 གྱི་ལྷ་གཉེན་ལྟ་བུ་ཡིན་ན། ཅིའི་ཕྱིར་ཡབ་ཡུམ་གྱི་སྲས་རིན་པོ་ཆེ་འདི་ལམ་རིང་དུ་སྤངས་ཞེས་མཐོང་བ་ཐམས་ཅད་ཀྱིས་འཕངས་སོ་ཞེས་སྨྲས་སོ།། དེའི་ཚེ་རྒྱལ་བུ་གྲོང་ཁྱེར་གྱི་ཕྱི་རོལ་དུ་སྐྱེ
268a5 ཤིང་གི་དྲུང་ན་འདུག་སྟེ། སྐྱེལ་བའོ་མི་རྣམས་ལ་འདི་ནས་ཕྱི་ནས་དེང་ཞིག་ཅེས་སྤྲོ་བའི་ཚིག་སྨྲས་པ་དང་། སྐྱེལ་སྐྱེལ་བ་ཆེ་ཆུང་ཐམས་ཅད་མཆི་མ་བླགས་ཏེ་ངུས་ནས་ཕྱི་དོང་ངོ་།། དེ་ནས
268a6 རྒྱལ་བུས་བཙུན་མོ་དང་སྲས་གཉིས་ཤིང་རྟའི་ནང་དུ་བཞག་ནས། རྒྱལ་བུ་ཉིད་ཀྱིས་ཤིང་རྟའོ་ཁ་ལོ་བསྒྱུར་ཏེ། སོང་བ་ལས་རྒྱངས་ཆད་པར་ཕྱིན་ཏེ། སྐྱེ་ཤིང་གི་དྲུང་ན་ངལ་བསོ་ཞིང
268a7 འདུག་པ་ལས། བྲམ་ཟེ་དག་ཅིག་ལྷགས་ནས། རྒྱལ་བུ་ལ་ཤིང་རྟ་ཁྲིད་པའི་རྟ་བསླངས་སོ།། རྒྱལ་བུས་སློང་བ་ལ་རྟ་བྱིན་ནས། སྲས་བུ་གཉིས་ཤིང་རྟའི་སྟེང་དུ་བཞག་སྟེ། བཙུན
iiif viewer powered by OpenSeadragon
