| e-texts navigator |
| Wylie |
266a1 པོས་སྨྲས་པ། ཁྱོད་ཀྱིས་སྦྱིན་པ་མ་འོས་པར་བྱས་པས་ཡུལ་གྱི་བང་མཛོད་ཀུན་སྟོངས་ཏེ། ངའི་བལ་གླང་རིན་པོ་ཆེ་ཡང་མེད་པར་བྱས་པས་ཁྱོད་སྤངས་པ་ཡིན་ཏེ། ད་ཕྱིར་འདུག
266a2 ཅིང་ཞག་བདུན་སྦྱིན་པར་བྱར་མི་གནང་གིས། མྱུར་དུ་སོང་ཞིག་ཅེས་བསྒོའོ།། རྒྱལ་བུས་གསོལ་པ། རྒྱལ་པོ་ཆེན་པོའི་བཀའ་བདག་མོ་གཅོག་སྟེ། རྒྱལ་པོའི་བཙུན་མོ་ཉི་ཁྲི་སྙེད་ཀྱང་རྒྱལ་པོ
266a3 གང་ན་བ་དེར་ལྷགས་ནས། རྒྱལ་བུ་རྒྱལ་ཚབ་ཞག་བདུན་ཞིག་སྦྱིན་པ་བྱིན་ཏེ། ཡུལ་ནས་མཆི་བར་གསོལ་པ་རྒྱལ་པོས་ཀྱང་དེ་བཞིན་དུ་གནང་ངོ་།། དེ་ནས་རྒྱལ་བུ་རྒྱལ་ཚབ་ཀྱིས་སོ་སོར་བྲན
266a4 གཡེག་མངགས་ཏེ། ཕྱོགས་བཞི་ནས་ནོར་རྫས་འདོད་པ་རྣམས་ཕོ་བྲང་སྒོར་འདུས་ཤིག། ནོར་ཟས་ཐམས་ཅད་ནི་རྟག་པ་དང་བརྟན་དུ་རུང་བ་མ་ཡིན་ཏེ། མཐར་འཇིག་ཅིང་མེད་པའི་ཆོས་ཅན
266a5 ནོ་ཞེས་བསྒོ་བས། ཕྱོགས་བཞི་ནས་སློང་བ་པ་མང་པོ་ལྷགས་པ་ལ་རྒྱལ་བུ་རྒྱལ་ཚབ་ཀྱིས། ཟས་དང་། སྐོམ་དང་། ནོར་དང་། རིན་པོ་ཆེ་རྣམས་ཞག་བདུན་གྱི་བར་དུ་ཡིད་བཞིན་དུ་བྱིན
266a6 ནས་དབུལ་འཕོངས་པ་རྣམས་ལོངས་སྤྱོད་དང་ལྡན་ཞིང་། ཐམས་ཅད་བདེ་སྐྱིད་པར་བྱས་སོ།། དེ་ནས་རྒྱལ་བུ་རྒྱལ་ཚབ་ཀྱིས། ཆུང་མ་ལ་སྨྲས་པ། བཞོན་བཟངས་ལོངས་ལ་བདག་ཅི
266a7 ཟེར་བ་ཉོན་ཅིག། རྒྱལ་པོ་ཆེན་པོས་ནི་བདག་ལོ་བཅུ་གཉིས་ཀྱི་བར་དུ་རི་དན་ཏིག་ཅེས་བྱ་བར་སྤངས་སོ།། ཆུང་མས་རྒྱལ་བུས་སྨྲས་པའི་ཚིག་ཐོས་ནས། ཡིད་ཅེས་དངངས་ཏེ།
iiif viewer powered by OpenSeadragon
