| e-texts navigator |
| Wylie |
264a1 ཁྱེད་ལ་བྱིན་ན། རྒྱལ་པོའི་དགོངས་པ་དང་འགལ་བས། གལ་ཏེ་བལ་གླང་འདིའི་རྐྱེན་གྱིས་བདག་ཡུལ་འདི་ནས་སྐྲོད་པར་འགྱུར་རོ་ཞེས་སྨྲས་ནས། རྒྱལ་བུ་ཡང་འདི་སྙམ
264a2 དུ་བསམས་སོ། ། བདག་སྔོན་གྱི་དམ་བཅས་པ་ན། ཕ་རོལ་པོ་ཅི་སློང་ཡང་ཡིད་དང་མི་འགལ་བར་བྱའོ་ཞེས་དམ་བཅས་ན། ད་བདག་གིས་སྔར་བསམས་པ་ལས་བཟློག་སྟེ། སྦྱིན་པ་འདི་མ་བྱིན་ན
264a3 ཇི་ལྟར་ཡང་བླ་ན་མེད་པ་མཉམ་སྙོམས་པའི་སྦྱིན་པའི་ཕ་རོལ་ཏུ་ཕྱིན་པ་རྫོགས་པར་འགྱུར། གལ་ཏེ་སྦྱིན་པ་འདི་བྱོན་ན། བླ་ན་མེད་མཉམ་སྙོམས་པའི་སྦྱིན་སེམས་སུ་འགྱུར་རོ་སྙམ་བསམས་ནས།
264a4 རྒྱལ་བུས་འདི་སྐད་ཅེས་སྨྲས་སོ།། ཤིན་ཏུ་དཀའ་སྟེ་དེ་བཞིན་དུ་སྦྱིན་པར་བྱའོ་ཞེས་སྨྲས་ནས། དྲུང་ན་འདུག་པའི་གཡོག་ལ་བལ་གྱི་གླང་པོ་ཆེ་ལ་གསེར་དངུལ་གྱི་སྒྲས་བསྟད་དེ། མྱུར་དུ་ཤོག་ཅིག
264a5 ཅེས་བསྒོ་བ་དང་། བལ་གླང་ཁྲིད་དེ་འོངས་ནས། རྒྱལ་བུས་ལག་པ་གཡོན་པས་ནི་ཆུའི་སྣོད་ཐོགས་ཏེ། བྲམ་ཟེའི་ལག་པ་བཀྲུས། ལག་པ་གཡས་པས་ནི་བལ་གླང་གི་སྣ་ཐག་ནས་བཟུང་སྟེ།
264a6 བྲམ་ཟེ་བརྒྱད་པོ་ལ་བྱིན་པ་དང་། བྲམ་ཟེ་བརྒྱད་པོས་རྒྱལ་བུ་ལ་སྨོན་ལམ་བཏབ་བོ།། སྨོན་ལམ་བཏབ་མ་ཐག་ཏུ། བལ་གྱི་གླང་པོ་ཆེ་ལ་སྤྲུགས་ཏེ། དགའ་བཞིན་དུ་དོང་ངོ་།། དེ་ནས
264a7 རྒྱལ་བུས། བྲམ་ཟེ་དེ་དག་ལ་ཡང་འདི་སྐད་ཅེས་བསྒོའོ།། ཁྱེད་མྱུར་དུ་མགྱོགས་པར་སོང་ཞིག། གལ་ཏེ་ཡབ་རྒྱལ་པོས་གསན་ན་སྙོགས་མ་གཏང་སྟེ་འཕྲོག་ཏུ་འོང་ངོ་ཞེས་བསྒོ་བ་དང་།
iiif viewer powered by OpenSeadragon
