| e-texts navigator |
| Wylie |
261b1 རིམ་གྲོ་བྱེད་པ་བཞི་ཞིག་བསྐོས་ཏེ། གཅིག་ནི་ནུ་ཞོ་བསྣུན་པའི་ལས་བྱེད། གཅིག་ནི་རྒྱལ་བུ་ཕང་དུ་ཁྱེར་བར་བསྐོས་གཅིག་ནི་རྒྱལ་བུ་བཀྲུ་བའི་ལས་བྱེད་པར་བསྐོས། གཅིག་ནི་རྒྱལ་བུ་རྩེར
261b2 འགྲོ་བའི་ལས་སུ་བསྐོས་སོ། ། དེ་ལྟར་བསྐོས་ནས་རྒྱལ་བུ་ལོ་བཅུ་དྲུག་ལོན་པ་དང་། ཡིག་རྩིས་དང་། འཕོང་རྩལ་དང་། བཟོ་དཔྱད་དང་། རོལ་མོ་ལ་སོགས་པ་གང་ཡང་མི་ཤེས་པ་མེད
261b3 དེཐམས་ཅད་ཀྱང་ལོ་བས་རྒྱལ་པོ་ཡ་བ་དང་ཡུམ་ལ་ཡང་ལྷ་བཙུན་འདྲ་བར་རིམ་གྲོ་བྱེད་དོ། ། རྒྱལ་པོས་ཀྱང་རྒྱལ་བུའི་ཕོ་བྲང་ལོགས་ཤིག་ཏུ་བརྩེགས་སོ།། རྒྱལ་བུ་དེ་ཆུང་ངུ་ནས
261b4 སྦྱིན་པ་ལ་དགའ་ནས། མི་ལ་སོགས་ཏེ་རི་དགས་དང་། འདབ་ཆགས་བྱའི་བར་དུ་སེམས་ཅན་ཐམས་ཅད་བདེ་ཞིང་སྐྱིད་པར་དགའ་སྟེ། ཚིག་ཏུ་ཡང་གང་མི་ཤེས་པ་གཏི་མུག་ཅན་ནི
261b5 སྦྱིན་པ་ལ་མི་དགའ་བས། བདག་གིས་བདག་བསླས་ཏེ། ཕན་པའི་དོན་མེད་ཀྱི། མཁས་པ་ཤེས་རབ་ཅན་ནི། འཇིག་རྟེན་གནས་ཀྱང་སྦྱིན་པ་ལ་ཡོན་ཏན་ཆེར་མཐོང་སྟེ། སྦྱིན་པ
261b6 བྱིན་པས་སྔ་མ་འདས་པ་དང་། མ་བྱོན་པ་དང་། ད་ལྟར་བཞུགས་པའི་སངས་རྒྱས་དང་། རང་སངས་རྒྱས་དང་། འཕགས་པ་དགྲ་བཅོམ་པ་ཐམས་ཅད་ཀྱིས་བསྟོད་ཅིང་བསྔགས་པར
261b7 འགྱུར་རོ་ཞེས་སྨྲས་སོ། ། རྒྱལ་བུ་བགས་ཀྱིས་ཆེར་སྐྱེས་ནས། རྒྱལ་པོ་ཞོག་གི་བུ་མོ་མན་ཏེ་ཞེས་བྱ་བ་མངའ་བྱད་བཟང་ལ་སྡུག་པ་དཔེ་ཟླ་མེད་པ། གསེར་དང་། དངུལ་དང
iiif viewer powered by OpenSeadragon
