| e-texts navigator |
| Wylie |
261a1 འདས་པ་འམ། མ་བྱོན་པ་འམ། ད་ལྟར་བཞུགས་པའི་སངས་རྒྱས་དགོངས་སམ། དེ་མ་ལགས་པ་ལ་དགོངས་པ་དོན་བསྟན་དུ་གསོལ། བཅོམ་ལྡན་འདས་ཀྱིས།
261a2 ཀུན་དགའ་བོ་ལ་བཀའ་སྩལ་པ། སངས་རྒྱས་འདས་པ་འམ། མ་འོངས་པ་འམ། ད་ལྟར་བཞུགས་པ་ལ་དགོངས་པ་མ་ཡིན་གྱིས། མངོན་པར་དྲན་པ། ང་སྔོན་བསྐལ་པ་གྲངས་མེད
261a3 པའི་ཕ་རོལ་ན། སྦྱིན་པ་བྱིན་པའི་དངོས་པོ་ལ་དགོངས་ཏེ། དེའི་ཚེ་དེའི་དུས་ན་ཡུལ་ཡ་བ་ཞེ་བྱ་བར་རྒྱལ་པོ་དགེ་བ་ཞེས་བྱ་བ་དྲང་པོའི་ཆོས་ཀྱིས་ཡུལ་གྱི་སྲིད་འཛིན་ཏེ། འགྲོ་བ་མང་པོ་སྐྱོང
261a4 བ་ཞིག་བྱུང་ངོ་། ། རྒྱལ་པོ་དེ་ལ་བློན་པོ་ནི་བཞི་སྟོང་ཞིག་ཡོད་དེ། རྒྱལ་ཕྲན་དྲུག་ཅུ་ལ་དབང་བསྐུར་རོ།། གྲོང་ཁྱེར་ཆེན་པོ་བརྒྱད་བརྒྱ་དང་།། བལ་གྱི་གླང་པོ་ཆེ་ལྔ་བརྒྱ་ཡོད་དོ།།
261a5 རྒྱལ་པོ་ལ་བཙུན་མོ་ཉི་ཁྲི་ཡོད་ཀྱང་། སྲས་མི་མངའ་བས་རི་དང་ཀླུང་གི་ལྷ་གཉེན་པོ་ལ་མཆོད་འབྲང་བྱས་ནས། བཙུན་མོ་དམ་པ་ལ་སྲས་མངའ་བར་གྱུར་ཏེ། བཙུན་མོའི་མལ་ཆ་དང་།
261a6 ཟས་དང་། སྐོམ་ལ་སོགས་པ་ཡོ་བྱད་གདམ་ཞིང་བཟང་པོར་སྦྱར་ནས། རྒྱལ་པོ་ཉིད་ཀྱིས་རིམ་གྲོ་བྱས་ཏེ། ཟླ་བ་བཅུར་ཚང་ནས། རྒྱལ་བུ་གཅིག་བཙས་སོ།། ཕོ་བྲང་གི་བཙུན་མོ་ཉི
261a7 ཁྲི་སྙེད་ཀྱང་རྒྱལ་བུ་ཞིག་བཅས་ཞེས་ཐོས་ནས་ཐམས་ཅད་དགའ་མགུ་རངས་ཏེ། ནུ་ཞོའང་རང་བྱུང་བས། རྒྱལ་བུའི་མཚན་ཡང་དོན་གྲུབ་ཅེས་བཏགས་སོ།། རྒྱལ་བུ་ལ་ནུ་ནོ་བསྣུན
iiif viewer powered by OpenSeadragon
