| e-texts navigator |
| Wylie |
260b1 བའི་བྱམས་པས་རྙེད་པའི་དྲིན་བསབ་པར་བྱའོ། ། དེ་བཞིན་གཤེགས་པའི་ཉན་ཐོས་ཐམས་ཅད་ཀྱིས་ཀྱང་། གུས་པས་ཆོས་འདི་ཡོངས་སུ་གཟུང་བར་བྱའོ་ཞེས་གསུངས་པ་དང་། དེའི་ཚེ་ཚད
260b2 ལྡན་པ་མོའུ་འགལ་གྱི་བུ་དང་། འཁོར་བཞི་པོ་རྣམས་ཤིན་ཏུ་དགའ་བས། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། འཕགས་པ་ཡོངས་སུ་སྐྱོབ་པའི་སྣོད་ཅེས་བྱ
260b3 བའི་མདོ་རྫོགས་སོ། ། ཞུ་ཆེན་གྱི་ལོ་ཙ་བ་དགེ་སློང་འགོས་ཆོས་གྲུབ་ཀྱིས་རྒྱའི་དཔེ་ལས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། །
260b4 འཕགས་པ་རྒྱལ་བུ་དོན་གྲུབ་ཀྱི་མདོ། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན་དུ་ཡོད་པ་ན་རྒྱལ་བུ་འཛེ་ཏའི་ཚལ་མགོན་མེད་ཟས
260b5 སྦྱིན་གྱི་ཀུན་དགའ་ར་བ་ན། དགེ་སློང་དང་། དགེ་སློང་མ་དང་། དགེ་བསྙེན་ཕ་དང་། དགེ་བསྙེན་མ་གྲངས་མེད་པ་དང་ཐབས་ཅིག་ཏུ་བཞུགས་སོ།། དེའི་ཚེ་བཅོམ་ལྡན་འདས་འཛུམ
260b6 པ་མཛད་ནས། ཞལ་གྱི་སྒོ་ནས་འོད་ཟེར་ཁ་དོག་སྣ་ལྔ་དང་ལྡན་པ་བཀྱེ་བ་དང་། ཚེ་དང་ལྡན་པ་ཀུན་དགའ་བོ་སྟན་ལས་ལངས་ཏེ། གོས་ཚགས་བཅོས་ནས་ཐལ་མོ་སྦྱར་ཏེ། བཅོམ་ལྡན
260b7 འདས་ལ་འདི་སྐད་ཅེས་གསོལ་ཏོ། ། བདག་གིས་སངས་རྒྱས་ཀྱི་ཞབས་འབྲིང་ལོ་ཉི་ཤུ་བགྱིས་ཀྱི་བར་དུ། དེ་འདྲ་བར་བཞད་པ་མ་མཐོང་ན། བཅོམ་ལྡན་འདས་ཀྱིས་སངས་རྒྱས་སྔོན
iiif viewer powered by OpenSeadragon
