| e-texts navigator |
| Wylie |
255a1 ཉམས་པའི་རྣམ་པར་སྨིན་པ་ལྕི་ཡང་བསྟན་པའི་མདོ། ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས
255a2 གཅིག་ན། བཅོམ་ལྡན་འདས་རྒྱལ་པོའི་ཁབ་བྱ་ཀ་ལན་ཏ་ཀའི་གནས་འོད་མའི་ཚལ་ན་བཞུགས་སོ།། དེ་ནས་ཚེ་དང་ལྡན་པ་མོའུ་འགལ་གྱི་བུ་ཆེན་པོ་ཕྱི་དྲོ་ནང་དུ་ཡང་དག་འཇོག་ལས་ལང
255a3 ནས་བཅོམ་ལྡན་འདས་ག་ལ་བ་དེར་སོང་སྟེ། ཞབས་ལ་མགོ་བོས་ཕྱག་འཚལ་ནས་ཕྱོགས་གཅིག་ཏུ་འདུག་གོ།། དེ་ནས་ཚེ་དང་ལྡན་པ་མོའུ་འགལ་གྱི་བུ་ཆེན་པོས། བཅོམ་ལྡན་འདས
255a4 ལ་འདི་སྐད་ཅེས་གསོལ་ཏོ། ། བཅོམ་ལྡན་འདས་བདག་ལ་ཐེ་ཙོམ་མཆིས་ཏེ། དེང་ཞུ་བར་འཚལ་ན་བསྟན་དུ་གསོལ། བཅོམ་ལྡན་འདས་ཀྱིས་མོའུ་འགལ་གྱི་བུ་ཁྱོད་ཀྱིས་ཅི་དང་ཅི་འདོད
255a5 པ་དྲིས་ཤིག། ཁྱོད་ལ་བཤད་པར་བྱའོ་ཞེས་བཀའ་སྩལ་པ་དང་། མོའུ་འགལ་གྱི་བུས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་གལ་ཏེ་དགེ་སློང་ངམ
255a6 དགེ་སློང་མ་དག་ངོ་ཚ་དང་ཁྲེལ་མ་མཆིས་པས་སེམས་ཀྱིས་སངས་རྒྱས་ཀྱི་བཀའ་ཁྱད་དུ་གསོད་པས་བསླབ་པ་མང་པོའི་སྡོམ་པ་དང་། དེ་བཞིན་དུ་སོ་སོར་བཤགས་པར་བྱ་བ་དང་། ལྟུང
255a7 བྱེད་འབའ་ཞིག་པ་དང་། སྦོམ་པོ་དང་། དགེ་འདུན་ལྷག་མ་དང་། ཕས་ཕམ་པ་རྣམས་ལས་ཉམས་ན་མི་བདེ་བ་ཇི་སྙེད་ཅིག་མྱོང་བར་འགྱུར་བ་བསྟན་དུ་གསོལ་ཞེས་བྱས་པ་དང
iiif viewer powered by OpenSeadragon
