| e-texts navigator |
| Wylie |
153a1 ཆེན་བདུན་པོ་དང་། ། བྱང་ཆུབ་ཡན་ལག་དྲི་མེད་རིན་ཆེན་ཐོབ།། རྒྱལ་བའི་མཆོད་རྟེན་ལ་ནི་གོས་ཕུལ་བས།། བསོད་ནམས་བྱམས་པའི་ངོ་ཚའི་གོས་གྱོན་ཏེ།།
153a2 དགའ་ཞིང་ཡོན་ཏན་ཀུན་ལྡན་སེར་སྣ་མེད།། མདོག་ཀྱང་འཇམ་ཞིང་ཁ་དོག་གསེར་འདྲར་འགྱུར།། དཔེ་མེད་མཆོད་རྟེན་མར་མེ་ཕུལ་བ་ཡིས།། ཨུཏྤལ་སྔོན་པོ་ཁ་ཕྱེ་བདབ་འདྲའི་མིག། གསལ
153a3 ཞིང་སྡུག་ལ་མིག་གི་དཀྱུས་རིང་མཛེས། ། དྲི་མ་མེད་པ་ལྷ་ཡི་མིག་དང་ལྡན།། སུ་དག་མཆོད་རྟེན་མར་མེ་མངར་བ་འབུལ།། དེ་དག་མིག་ཏུ་སྡུག་ཅིང་མཛོད་རབ་རྒྱས།། མིག་གི་དཀྱུས་རིང་མཐོན
153a4 ཀའི་མདོག་དང་ལྡན། ། སྐྱེས་པ་བུད་མེད་དག་གིས་བལྟ་བར་འོས།། མཚན་མོ་ཐུབ་ཆེན་སྤྱན་སྔར་ཐལ་སྦྱར་འཁོད།། འབྱོར་དང་འཚམ་པར་མར་མེ་སྡོང་པོ་འབུལ།། དེ་དག་སྲིད་པ་གཞན
153a5 དུ་འབྲས་བུར་ལྡན། ། རིན་ཆེན་རགས་པའི་འོད་ལྡན་ལུས་ཀྱང་འཐོབ།། རྒྱལ་ལ་ཕུལ་བའི་མོར་མེ་འཆི་བ་ན།། དག་པའི་སེམས་ཀྱིས་འདིར་ནི་དགའ་བཞིན་དུ།། སྙིང་པོ་སྐུལ་པར་བྱེད་པ་དེ
153a6 དག་ནི། ། སྤྱན་ལྔ་དག་ཀྱང་ངེས་པར་ཐོབ་པར་འགྱུར།། མི་རྣམས་གང་དག་དགེ་བའི་སེམས་ལྡན་པས།། རྒྱལ་བའི་མཆོད་རྟེན་གཞན་གྱིས་བྱས་པ་ལ།། རྗེས་སུ་ཡི་རང་དོན་དེ་མ་བྱས་ཀྱང་།།
153a7 མདོར་ན་དེ་དག་གིས་ཀྱང་བྱས་པར་འགྱུར།། ཚུལ་ཁྲིམས་ལྡན་པ་ཕྱོགས་ནས་ལྷགས་པ་ལ།། སུ་དག་དགའ་བཞིན་མལ་སྟན་བྱིན་བྱེད་པའི།། མི་རྣམས་འགྲོ་བ་དག་ཏུ་འཁོར་བ་ན།། སེང
iiif viewer powered by OpenSeadragon
