| e-texts navigator |
| Wylie |
149b1 རྒྱ་གར་སྐད་དུ། པྲ་སེ་ན་ཛིད་གཱ་ཐཱ། བོད་སྐད་དུ། གསལ་རྒྱལ་གྱི་ཚོགས་སུ་བཅད་པ། དཀོན་མཆོག་གསུམ་པ་ཕྱག་འཚལ་ལོ།།
149b2 རྒྱལ་པོ་གསལ་རྒྱལ་གདུགས་དང་ཅོད་པན་དང་།། རྔ་ཡབ་རལ་གྲི་ནོར་བུ་ལྷམ་བཞག་སྟེ།། ཐལ་མོ་སྦྱར་ཅིང་ལེགས་པར་ཕྱག་འཚལ་ནས།། འཇིག་རྟེན་མགོན་པོ་ལ་ནི་ཞུ་བ་ཞུས།། ཕན་པར་དགོད
149b3 པ་ཐུགས་རྗེའི་བདག་ཉིད་ཅན། ། དེ་བཞིན་གཤེགས་རྣམས་མྱ་ངན་འདས་པ་ན།། མཆོད་པ་བགྱིས་པས་བློ་མཆོག་ཇི་ལྟ་བུར།། སྲིད་པ་གཞན་དུ་མི་རྣམས་བདེ་བ་ཐོབ།། བཅོམ་ལྡན་མི་ཡི
149b4 སེང་གེ་སྔ་ཕྱིའི་མཐའི། ། ཆོས་རྣམས་ཀུན་ལ་མངོན་སུམ་སྤྱན་གྱུར་པས།། ཀུན་དགའ་བཟང་པོ་ཡི་ནི་མངོན་སུམ་དུ།། གསལ་རྒྱལ་ཞུས་ལན་འདི་དག་བཀའ་སྩལ་པ།། ཇི་ལྟར་རྒྱལ་བ་རྣམ
149b5 ལ་མི་རྣམས་ཀྱིས། ། མཆོད་པ་བྱས་པས་སྲིད་པ་གཞན་དག་ཏུ།། རྣམ་སྨིན་འདོད་པ་རྒྱ་ཆེན་སྣ་ཚོགས་འཐོབ།། གསོལ་བའི་དོན་དེ་རྒྱལ་པོས་མཉན་པར་གྱིས།། བཅོམ་ལྡན་འདས་ཀྱི་མཆོད
149b6 རྟེན་རྣམས་དང་ནི། ། སྐུ་གཟུགས་རྣམས་ལ་རྡུལ་ཕྲན་ཅི་སོང་བ།། དེ་ཡི་གྲངས་སྙེད་དེ་བྱེད་མི་རྣམས་ཀྱིས།། ལྷ་ཡུལ་ས་སྟེང་ངེས་པར་རྒྱལ་སྲིད་འཐོབ།། གཟུགས་དང་གཟུགས་མེད་ཁམས
149b7 ཀྱི་ཏིང་ངེ་འཛིན། ། ཕུན་སུམ་ཚོགས་པའི་ས་མཆོག་ཀུན་མྱོང་ནས།། མཐའ་མར་སྐྱེ་དང་རྒ་ལ་སོགས་པ་ཡི།། སྡུག་བསྔལ་མེད་པའི་སངས་རྒྱས་གོ་འཕང་འཐོབ།། སུ་དག་འདིར་ནི་རྒྱལ
iiif viewer powered by OpenSeadragon
