| e-texts navigator |
| Wylie |
81b1 མདོའི་རྒྱལ་པོ་འདི་གསེར་གྱི་གླགས་བམ་ལ་བྲིས་ནས། རིང་བསྲེལ་གྱི་ཟ་མ་ཏོག་དེ་ཉིད་དུ་འཇུག་པར་འགྱུར་རོ།། འཇམ་དཔལ་འདི་ལྟ་སྟེ། རྒྱལ་པོ་མྱ་ངན་མེད་པ་དེ་ནི་ང་མྱ་ངན་ལས་འདས་ནས
81b2 ལོ་བརྒྱ་ལོན་ནས་འབྱུང་བར་འགྱུར་ཏེ། དེ་ནི་མོའུ་རིའི་རིགས་སུ་སྐྱེས་པ། འཛམ་བུའི་གླིང་ལ་དབང་བ། མཐུ་དང་བརྩོན་པ་ཐོབ་པ། སྟོབས་ཀྱི་འཁོར་ལོས་སྒྱུར་བར་འགྱུར་ཏེ། དེ་ང་ལ་རྣམ་པ་ལས་རྗེས
81b3 སུ་དྲན་པར་བྱེད་པར་འགྱུར་རོ། ། ངའི་བསྟན་པ་ལ་ཡང་དད་པ་ཐོབ་པར་འགྱུར་རོ།། དེའི་ཚེ་དེའི་དུས་ན། དགེ་སློང་དབང་པོ་བདེ་བ་ཞེས་བྱ་བ་རྫུ་འཕྲུལ་ཆེ་བ། མཐུ་ཆེ་བ། དམ་པའི་ཆོས་ཡོངས་སུ་འཛིན་པ།
81b4 ཤིན་ཏུ་རྒྱས་པའི་མདོ་སྡེ་འཛིན་པ་རྒྱལ་པོའི་རིགས་ལས་རབ་ཏུ་བྱུང་བ། རྒྱལ་པོ་མྱ་ངན་མེད་པས་བཀུར་བ། གྲོང་དུ་འཇུག་པ་འབྱུང་བར་འགྱུར་རོ།། འཇམ་དཔལ་དེ་ལྟར་རྒྱལ་པོ་མྱ་ངན་མེད་པ་དེས་ངའི་རིང
81b5 བསྲེལ་རྒྱ་ཆེར་བྱ་བའི་ཕྱིར། སྐྱེ་བོ་མང་པོས་ཡོངས་སུ་བསྐོར་ཅིང་བཀོད་པ་ཆེན་པོ་དང་། རྒྱལ་པོའི་མཐུ་ཆེན་པོས་མེ་ཏོག་དང་། མེ་ཏོག་འཕྲེང་དང་། སྤོས་དང་། ཕྱེ་མ་དང་། བྱུག་པ་དང་།
81b6 སིལ་སྙན་དང་། ཕག་ཐོགས་ཏེ། རྒྱལ་པོའི་ཁབ་ཀྱི་གྲོང་ཁྱེར་ཆེན་པོར་སོང་ནས། མཆོད་པའི་གོ་ཆ་མངོན་པར་འདུ་བྱ་བ་ཆེན་པོ་བྱས་ཏེ། སའི་ཕྱོགས་དེ་ནས་རིང་བསྲེལ་གྱི་ཟ་མ་ཏོག་དེ་ཕྱུང་ནས
81b7 ཉི་མ་བདུན་གྱི་བར་དུ་སྤོས་ཐམས་ཅད་དང་། མེ་ཏོག་ཐམས་ཅད་དང་། མེ་ཏོག་འབྲང་ཐམས་ཅད་དང་། ཕྱེ་མ་ཐམས་ཅད་དང་། བྱུག་པ་ཐམས་ཅད་དང་། སིལ་སྙན་དང་། ཕེག་དང་།
iiif viewer powered by OpenSeadragon
