| e-texts navigator |
| Wylie |
369b1 པ་ལས། ། ཆོས་ཀྱི་ཚུལ་རྣམས་རབ་སྟོན་ཅིང་།། དགེ་བའི་སྒྲ་རྣམས་འབྱུང་བར་འགྱུར།། རྡོ་རྗེ་སྙིང་པོ་ཐུབ་པ་ཡི།། སྨོན་ལམ་ལེགས་ལས་བྱུང་བ་སྟེ།། བྲེ་མོའི་ངང་པའི་རྒྱལ་པོ་བཞིན།། རྒྱལ་བའི་སྲས
369b2 རྣམས་ཀུན་ནས་འདུས། ། དབང་སྒྱུར་ཕོ་བྲང་བཟང་པོ་ན།། ཐམས་ཅད་གཟུགས་ཀྱི་རིན་ཆེན་བཞིན།། དཔའ་ཆེན་རྡོ་རྗེའི་སྙིང་པོ་དེ།། རྣམ་པར་མཛེས་ལ་ཀུན་ལྷའོ།། སྐར་མའི་དབང་པོ་སྐར་མ་ཡི།།
369b3 གཟའ་ཡི་དབུས་ན་མཛེས་པ་བཞིན།། རྡོ་རྗེའི་སྙིང་པོ་རྣལ་འབྱོར་ཅན།། དམ་པའི་སྟན་ལ་རྣམ་པར་མཛེས།། ཇི་ལྟར་སྐར་མའི་དབང་པོ་དང་།། ཟླ་བའི་འོད་དུ་བྱེ་བྲག་མེད།། དེ་བཞིན་རྡོ་རྗེའི་སྙིང་པོ་དང་།
369b4 རྒྱལ་བ་རྣམས་སུ་ཁྱད་པར་མེད།། ཡང་དག་ཇི་བཞིན་དོན་མཐོང་བའི།། རྒྱལ་བའི་སྲས་པོ་སྟོབས་པོ་ཆེ།། རྣལ་འབྱོར་ཅན་དང་ཐུབ་པ་མཆོག། རྣལ་འབྱོར་པ་ཡི་ལམ་གནས་པ།། སྟན་ལས་ལེགས་པར
369b5 ལྡང་བྱས་ཤིང་། ། རྒྱལ་སྲས་རྣམས་ལ་མངོན་བལྟས་ནས།། ཚིག་དག་རྣམ་པར་སྨྲས་པ་ནི།། ཀྱེ་མ་ཐེག་ཆེན་ཐེག་པ་ནི།། སངས་རྒྱས་སྤྱོད་ཡུལ་བསམ་མི་ཁྱབ།། དེ་ལ་གནས་ཤིང་རྒྱལ་སྲས་དང་།། རྒྱལ་བ་བསམ
369b6 གྱིས་མི་ཁྱབ་སྟོན། ། བྱེ་བའི་ཞིང་བཞུགས་རྒྱལ་བ་དང་།། རྒྱལ་སྲས་དེ་དག་ཐམས་ཅད་ཀྱང་།། དྲི་མེད་བསམ་གྱིས་མི་ཁྱབ་ཆོས།། དགོངས་པས་ཕྱག་བྱ་འོས་པ་ཡིན།། ཐེག་པ་ཆེན་པོའི་ཚུལ་དགེ་ནི།། མཆོག་ཏུ་ཕྲ་ཞིང
369b7 དཀོན་པའོ། ། གཞན་དུ་གྱུར་པའི་ཚུལ་གྱི་མཆོག། རྟོག་ལ་མ་ཡིན།། རྣམ་པར་ཤེས་པ་བརྒྱད་ཀྱི་ཡུལ།། རང་བཞིན་རྣམས་ལ་ཁྱད་པར་བྱེད།། བདག་མེད་ཉིད་ནི་ལྔ་པོ་ཡི།། དེ་བཞིན་ཁྱད་པར་བྱེད
iiif viewer powered by OpenSeadragon
