| e-texts navigator |
| Wylie |
247a1 སུ་སྨིན་པར་བྱེད་དེ། ཡོངས་སུ་སྨིན་པར་བྱས་ནས། ཡི་དགས་ཀྱི་གྲོང་ཁྱེར་དུ་འཇུག་གོ།། དེ་ནས་བཅོམ་ལྡན་འདས་ལ། བྱང་ཆུབ་སེམས་དཔའ་སྒྲིབ་པ་ཐམས
247a2 ཅད་རྣམ་པར་སེལ་བས་འདི་སྐད་ཅེས་གསོལ་ཏོ། ། བཅོམ་ལྡན་འདས་མནར་མ་མཆིས་པའི་སེམས་ཅན་དམྱལ་བ་ཆེན་པོ་ན་མནར་མི་གདའ་ན། བཅོམ་ལྡན་འདས་ཇི་ལྟར་ན་བྱང་ཆུབ་སེམས
247a3 དཔའ་སེམས་དཔའ་ཆེན་པོ་སྤྱན་རས་གཟིགས་ཀྱི་དབང་པོ་འཇུག་པར་བགྱིད། སེམས་ཅན་དམྱལ་བ་ཆེན་པོ་ལྕགས་ཀྱི་རྩིག་པས་བསྐོར་ལ། ལྕགས་ཀྱི་དོག་ས་ལ་ཤིན་ཏུ་འབར་བ་མེ་ལྕེ
247a4 གཅིག་ཏུ་འདུས་པ་རྣམ་པར་གཡོ་བ་དེ་ན་འབོད་འགྲོགས་པ་དག་གནས་པའི་སྣོད་ཟ་མ་ཏོག་འདྲ་བ་མཆིས་ཏེ། སྣོད་དེར་སེམས་ཅན་བྱེ་བ་ཁྲག་ཁྲིག་བརྒྱ་སྟོང་ཕྲག་དུ་མ་སྩལ་ཏོ།། ནམ་ཆུ
247a5 མང་པོ་མཆིས་པའི་སྣོད་ན་སྲན་ཆུང་ཀ་རུ་འམ་ན་གུ་གྱེན་དུ་མཆི་ནའང་གྲལ་བ་དང་སྨིན་པར་འགྱུར། ཐུར་དུ་མཆི་ནའང་གྲལ་བ་དང་སྨིན་པར་འགྱུར་བ་དེ་བཞིན་དུ། སེམས་ཅན་དེ་དག
247a6 ཀྱང་མནར་མ་མཆིས་པའི་སེམས་ཅན་དམྱལ་བ་ཆེན་པོ་དེར་ལུས་ཀྱི་སྡུག་བསྔལ་ཉམས་སུ་མྱོང་ན། བཅོམ་ལྡན་འདས་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས
247a7 གཟིགས་ཀྱི་དབང་པོ་མནར་མ་མཆིས་པའི་སེམས་ཅན་དམྱལ་བ་ཆེན་པོར་འཇུག་པར་བགྱིད། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ཇི་ལྟར་འཁོར་ལོས་སྒྱུར
iiif viewer powered by OpenSeadragon
