| e-texts navigator |
| Wylie |
91a1 ཀྱང་མི་ཐར་ཏོ། ། ཐར་དུ་ཟིན་ཏེ་མིའི་ནང་དུ་སྐྱེས་ན་ཡང་ཡུལ་གྱི་མཐའ་འཁོབ་མིའི་ཐ་མའི་ནང་དུ་སྐྱེས་ཏེ། མཆུ་ཤོ་རེ་ལ་ལྕེ་མེད་པ་དེ་ལྟ་བུའི་ལན་ཐོབ་བོ།། ཅིའི་ཕྱིར་ཞེས
91a2 བྱས་ན། བྱང་ཆུབ་སེམས་དཔའ་སེམས་ཅན་གྱི་ངོ་བོ་ཉིད་ནི་ཆོས་ཀྱི་ངོ་བོ་ཉིད་ཡིན་ཏེ། ཆོས་ཀྱི་ངོ་བོ་ཉིད་ནི་རྟག་པར་གཙང་ལ། ཡང་དག་པའི་མཚན་བཟང་པོ་རྣམ་པ་ཀུན་ལྡན་ཏེ། ཕྱི་མོ་ནས
91a3 ཐོབ་པའང་མེད། སྟོར་བའང་མེད་དེ། བྱུང་བའང་མེད། ནུབ་པའང་མེད་དེ། ངོ་བོ་ཉིད་རྟག་ཅིང་ཡང་དག་པའི་བདེན་པ་སྟེ། སྒྱུ་མ་མི་བདེན་པའང་མེད་དོ།། མྱ་ངན་འཁྲུག་པའང་མེད་དོ།། མྱ་ངན
91a4 ལས་འདས་པའང་མེད་དོ། ། སྐྱེད་འབྲའང་མེད་ལ་མཐའ་ཡུན་དུ་གཙང་ག་དང་སྟེ། ངོ་བོ་ཉིད་གཅིག་ཏུ་གཙང་གདང་བ་ནི་བྱང་ཆུབ་ཉིད་ཡིན་ནོ།། གཙང་གདང་བའི་ངོ་བོ་ཉིད་དང་། བྱང་ཆུབ་ཀྱི
91a5 ངོ་བོ་ཉིད་ནི་གཅིག་ཏུ་ཟད་དེ། གཉིས་སུ་མེད་དོ།། གཙང་གདང་བའི་བཏང་སྙོམས་པ་སྟེ། ཡི་གེའི་འབྲུ་དང་ཚིག་ལམ་ཡང་ཆད་དོ།། དཔེར་ན་ནམ་མཁའ་དང་མཚུངས་ཏེ། ཕྱི་ནང་གཉིས་ཀ
91a6 གཙང་གདང་ངོ་། ། གཙང་གདང་བ་གཅིག་པུ་དེ་ནི་ཕྱི་ནང་ནའང་མི་གནས། བར་ནའང་མི་གནས། སྨྲ་བའང་མེད། བཤད་པའང་མེད་དོ།། ཇི་ལྟ་བུར་ན་དེའི་ནང་ནས་ནད་ཀྱི་རྩི་བྱེ་བྲག་དབྱེ།
91a7 བྱེ་བྲག་དབྱེ་བ་མེད་ན་བྱེ་བྲག་དབྱེ་བའི་ཤེས་རབ་ཡིན་ནོ།། རིགས་ཀྱི་བུ་པོ་སེམས་གཅིག་གཙང་གདང་བ་གཅིག་དང་། སངས་རྒྱས་ཀྱི་ངོ་བོ་ཉིད་གཅིག་དང་། འདི་རྣམས་དང་བྲལ་ན་སངས
iiif viewer powered by OpenSeadragon
