| e-texts navigator |
| Wylie |
7a1 བས་བླ་མ་ལ་གུས་པར་བྱའོ། ། གཟུགས་འདོད་པས་མངོན་པའི་ང་རྒྱལ་མེད་པར་བྱའོ།། ཡེ་ཤེས་འདོད་པས་ཚུལ་བཞིན་ཡིད་ལ་བྱེད་པ་ལ་གནས་པར་བྱའོ།། ཐར་པ
7a2 འདོད་པས་སྡིག་པ་ཐམས་ཅད་ཡོངས་སུ་སྤང་བར་བྱའོ། ། སེམས་ཅན་ཐམས་ཅད་བདེ་བར་བྱ་བར་འདོད་པས་བྱང་ཆུབ་ཏུ་སེམས་བསྐྱེད་པར་བྱའོ།། སྐད་སྙན་པ་འདོད་པས་བདེན་པར་སླ
7a3 བར་བྱའོ། ། ཡོན་ཏན་འདོད་པས་རབ་ཏུ་དབེན་པ་ལ་དགའ་བར་བྱའོ།། ཆོས་འདོད་པས་དགེ་བའི་བཤེས་གཉེན་ལ་བསྟེན་པར་བྱའོ།། ཞི་གནས་འདོད་པས་འདུ་འཛི་མེད་པ་མང་དུ་བྱའོ།།
7a4 ལྷག་མཐོང་འདོད་པས་ཆོས་སྟོང་པ་སོ་སོར་བརྟག་པ་མང་དུ་བྱའོ།། ཚངས་པའི་འཇིག་རྟེན་འདོད་པས་བྱམས་པ་དང་། སྙིང་རྗེ་དང་། དགའ་བ་དང་། བཏང་སྙོམས་བསྒོམ་པར་བྱའོ།། ལྷ
7a5 དང་མིའི་ལོངས་སྤྱོད་ཕུན་སུམ་ཚོགས་པ་འདོད་པས་དགེ་བ་བཅུའི་ལས་ཀྱི་ལམ་ལ་གནས་པར་བྱའོ། ། ཡོངས་སུ་མྱ་ངན་ལས་འདའ་བར་འདོད་པས། སྟོང་པའི་ཆོས་ལ་མངོན་པར་དགའ་བར
7a6 བྱའོ། ། ཡོན་ཏན་ཐམས་ཅད་ཐོབ་པར་འདོད་པས་དཀོན་མཆོག་གསུམ་ལ་མཆོད་པར་བྱའོ།། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། བྱང་ཆུབ་སེམས་དཔའ་སེམས་དཔའ
7a7 ཆེན་པོ་རྒྱལ་བའི་བློ་གྲོས་དང་། ཐམས་ཅད་དང་ལྡན་པའི་འཁོར་དེ་དག་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུང
iiif viewer powered by OpenSeadragon
