| e-texts navigator |
| Wylie |
46a1 ཐོས་པ་ཙམ་གྱིས་ཀྱང་། བྱང་ཆུབ་སེམས་དཔའ་རྣམས་ཀྱི་གཅེས་སྤྲས་བྱེད་པར་འགྱུར་ཏེ། ཐབས་མཁས་པ་མེད་པར་བསྐལ་པ་བརྒྱ་སྟོང་དུ་ཕ་རོལ་ཏུ་ཕྱིན་པ་དྲུག་ལ་སྤྱད་པ་ནི། དེ་ལྟ
46a2 མ་ཡིན་གྱིས། ཏིང་ངེ་འཛིན་དེ་ཉན་དུ་དེང་ཞིག། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་སོ་སོའི་དེ་བཞིན་གཤེགས་པ་དེ་དག་གི་ལྟར་མཉན་ནས། བཅོམ་ལྡན་འདས་དེ་དག་ལ་ཕྱག
46a3 འཚལ་ཏེ། སྐད་ཅིག་ཐང་ཅིག་ཡུད་ཙམ་གཅིག་ལ་སངས་རྒྱས་ཀྱི་ཞིང་དེ་དག་ནས་མི་སྣང་བར་གྱུར་ནས། རང་རང་གི་མངོན་པར་ཤེས་པའི་རྫུ་འཕྲུལ་གྱི་སྟོབས་བསྐྱེད་པས། མི་མཇེད་ཀྱི་འཇིག་རྟེན་གྱི
46a4 ཁམས་འདི་ག་ལ་བ་དང་། དབུས་ཀྱི་གླིང་བཞི་པ་ག་ལ་བ་དང་། འཛམ་བུའི་གླིང་ག་ལ་བ་དང་། རྒྱལ་པོའི་ཁབ་ཀྱི་གྲོང་ཁྱེར་ཆེན་པོ་ག་ལ་བ་དང་། འོད་མའི་ཚལ་བྱ་ཀ་ལན་ཏ་ཀའི་གནས་ག་ལ་བ་དང་། བཅོམ
46a5 ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ག་ལ་བ་དེར་འོངས་ཏེ་ལྷགས་ནས། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི
46a6 སངས་རྒྱས་ཤཱཀྱ་ཐུབ་པའི་ཞབས་ལ་མགོ་བོས་ཕྱག་འཚལ་ནས། ཕྱོགས་གཅིག་ཏུ་འཁོད་དེ། བཅོམ་ལྡན་འདས་ཀྱིས་གནང་ནས། དེ་དག་ཐམས་ཅད་རིན་པོ་ཆེ་སྣ་ཚོགས་ཀྱི་པདྨ་ཆེན་པོ་ལ་སྐྱིལ་མོ་ཀྲུང་བཅས་ཏེ་འཁོད
46a7 དོ། ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ན། དགེ་སློང་གང་དག་ཉན་ཐོས་ཀྱི་ཐེག་པ་པ་འམ། རང་སངས་རྒྱས་ཀྱི་ཐེག་པ་པ་འམ། བྱང་ཆུབ་སེམས་དཔའི་ཐེག་པ་པ་ལ་གནས་པ་ཡུལ་སོ་སོར་རྒྱུ་ཞིང
iiif viewer powered by OpenSeadragon
