| e-texts navigator |
| Wylie |
43a1 རྟེན་པ་ཡིན་ཏེ། ཡོན་རྣམས་ལ་མགོ་དང་། མིག་དང་། རྐང་པ་དང་། ཀླད་པ་དང་། དེ་ཀུན་ཀྱང་བླང་དུ་རུང་ན། གོས་དང་ཁ་ཟས་བླུང་དུ་རུང་བ་ལྟ་སྤྲོས་ཀྱང་ཅི་དགྲོས། ཕོ་དགེ་བ་དེ།
43a2 ལྟ་བུའི་མི་ནི་ཁྱོད་ཀྱི་དགེ་བའི་བཤེས་གཉེན་ཡིན། ཁྱོད་ཀྱིས་ཟབ་པ་ཡིན་ན། མི་ཐ་མལ་པ་ལྟ་སྨོས་ཀྱང་ཅི་དགོས་ན། ཡོན་མི་འབུལ། དགའ་བོས་གསོལ་པ། མི་དེ་ལ་ཆོས་ཀྱི་ཡི་གེ་དེ་མནོས་ཏེ། གཟུང་།
43a3 སུ་གཟུང་བ་ཡོན་ཕུལ་ན། མི་དེས་དཔལ་ཡོན་ཇི་ཙམ་ཐོབ། སངས་རྒྱས་ཀྱིས་གསུངས་པ། ཡང་མི་ལ་ལ་ཞིག་གིས་མཁར་གང་བའི་གསེར་དངུམ་ཁྱེ་གེ་སྦྱར་བར་བྱས་པས་མི་དེས་ཆོས་ཀྱི་བཤད་ཟིན་ནས།
43a4 དེའི་ཚེ་དགའ་བོ་དང་། བྱང་ཆུབ་སེམས་དཔའ་དང་། ཕལ་བ་དེ་བཞིན་ཀུན་ཤིན་ཏུ་དགའ་སྟེ། སེམས་ཀྱིས་ཡང་དག་པའི་མིར་གྱུར་པ་ཐོབ་ནས། སངས་རྒྱས་ཀྱི་ཞབས་ལ་སྤྱི་བོས་ཕྱག་འཚལ་ཏེ། དགའ་ནས་གུས
43a5 པར་བྱེད་དོ། ། རྡོ་རྗེའི་ཏིང་ངེ་འཛིན་ཆོས་ཀྱི་ཡི་གེ་བམ་པའོ།། རྫོགས་སོ།། ། རྒྱ་གར་སྐད་དུ། ཨཱརྱ་ཏ་ཐཱ་ག་ཏ་ཛྙཱ་ན་མུ་དྷཱ་ནཱ་མ་ས་མཱ~ཾ་དྷི་མ་ཧཱ་ས་ན་སཱུ་ཏྲ། བོད་སྐད་དུ། འཕགས
43a6 པ་དེ་བཞིན་གཤེགས་པའི་ཡེ་ཤེས་ཀྱི་ཕྱག་རྒྱའི་ཏིང་ངེ་འཛིན་ཅེས་བྱ་བ་ཐེག་པ་ཆེན་པོའི་མདོ། བམ་པོ་དང་པོ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།།
43a7 འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་ན། འོད་མའི་ཚལ་བྱ་ཀ་ལན་ཏ་ཀའི་གནས་ན། དགེ་སློང་སྟོང་ཉིས་བརྒྱ་ལྔ་བཅུའི་དགེ་སློང་གི་དགེ་འདུན་ཆེན་པོ་དང་། བྱང་ཆུབ་སེམས་དཔའ
iiif viewer powered by OpenSeadragon
