| e-texts navigator |
| Wylie |
40a1 དཔའ་སྡོང་པའི་རྣམས་བཤད་པ་ནི། ཡོད་པའི་བཤིག་པའི་ཕྱིར་རོ།། བྱང་ཆུབ་སེམས་དཔའ་སའི་སྙིང་པོས་གསོལ་པ། བཙུན་པ་ཡོད་པ་བཙལ་ན་བདེན་པ་མ་མཆིས་ཏེ
40a2 སྨྱིག་རྒྱུ་དང་ཆུ་དང་མཚུངས། བདེན་པར་རིག་སྟེ། མེད་པ་མ་ལགས་ན་མེའི་རང་བཞིན་དང་མཚུངས་སོ།། དེ་ལྟ་བུར་རྟོག་པ་ནི་མྱི་མཛངས་པ་འགས་སོ།། སངས་རྒྱས་ཀྱིས་གསུངས་པ། དེ་ཡིན་ནོ།།
40a3 ཇི་ལྟར་མི་དེས་ཡང་དག་པ་ལ་བརྟགས་ཏེ། སྟོང་པ་ཞི་བའི་གཅིག་པུའི་མཚན་མ་ལ་བརྟགས་ན། མཚན་མ་མེད་པ་དང་མཚུངས་སོ།། སྟོང་པ་སྤྱད་དེ་བླངས་ནས་སྟོང་པ་སྤྱད་པས་ན། སངས་རྒྱས་མཐོང་བ་མ་སྟེར
40a4 རོ། ། སངས་རྒྱས་མཐོང་བ་སྤྲད་པས་ན། འབབ་པ་གསུམ་དང་བྲལ་ཏེ། ཐེག་པ་ཆེན་པོའི་ཆོས་ཀྱི་ནང་ན། གྲོལ་ཐར་གསུམ་གྱི་ལམ་མདོ་གཅིག་སྟེ། ངོ་བོ་ཉིད་མེད་དོ།། དེའི་ངོ་བོ་ཉིད་མེད་པས་ན་སྟོང་ངོ་།། སྟོང
40a5 པ་ས་མཚན་མ་མེད་དོ། ། མཚན་མ་མེད་པས་ན་བྱ་བ་མེད་དོ།། བྱ་བ་མེད་པས་ན་བཙལ་བ་མེད་དོ།། བཙལ་བ་མེད་པས་ན་སྨོན་ལམ་མེད་དོ།། དེ་ལྟ་བུའི་ལས་སྤད་པས་ན་སེམས་གཙང་ངོ་།། སེམས
40a6 གཙང་བས་ན་སངས་རྒྱས་མཐོང་ངོ་། ། སངས་རྒྱས་མཐོང་བ་ན་ཡུལ་གཙང་མར་སྐྱེའོ།། བྱང་ཆུབ་སེམས་དཔའ་དེ་ལྟ་བུའི་ཟབ་མོའི་ཆོས་བསྟན་པས། གསུམ་འགྲུབ་པར་སྤྱད་དེ། ཤེས་རབ་དང
40a7 ཐུབ་པ་གྲུབ་ན་གདོད་ཁམས་གསུམ་ལས་འདས་སོ། ། བྱང་ཆུབ་སེམས་དཔའ་སའི་སྙིང་པོས་གསོལ་པ། ཡང་དག་གཤེགས་པས་བཤད་པ་ལ་སྐྱེ་བ་ཡང་མེད། ཞི་བ་ཡང་མེད་ན། རྟག་པར་མེད་པ
iiif viewer powered by OpenSeadragon
