| e-texts navigator |
| Wylie |
34a1 དག་པའི་བདེན་པར་ཆུད་དེ། སངས་རྒྱས་ཀྱི་ཆོས་སོ་ཅོག་ནི་ལེའུ་གཅིག་གི་རླུང་དུ་འདུས་སོ།། ཤཱ་རིའི་བུས་གསོལ་པ། ཇི་ལྟ་བུར་ན་ཚིག་བཞི་ལེའུ་གཅིག་ཅེས་བགྱི
34a2 བ་བཤད་པར་སྨོན་ཏོ། ། དེ་ནས་བཙུན་པས་ལེའུ་བཤད་དེ་གསུངས་པ། རྒྱུ་རྐྱེན་ལས་སྐྱེས་པའི་གཞུང་། གཞུང་དེ་ཡོད་མེད་སྐྱེ་བ་མེད། སྐྱེ་ཤི་རྣམས་གཞུང་མེད་ན། གཞུང་དེ་སྐྱེ་བ་ཤི་བ
34a3 མེད། དེ་ནས་ཕལ་མང་པོས་ལེའུ་བཤད་པ་ཐོས་ནས། ཐམས་ཅད་ཀུན་ཤིན་ཏུ་དགའ་སྟེ། ཀུན་སྐྱེ་ཤི་མེད་པར་བྱས་པ་ཐོས་ནས་ཤེས་རབ་ཀྱིས་ངོ་བོ་ཉིད་སྟོང་པའི་ཡེ་ཤེས་ཀྱི་ཆོས་སྐྱེས་སོ།། རྡོ
34a4 རྗེའི་ཏིང་ངེ་འཛིན་གྱི་ཆོས་ཀྱི་ཡི་གེ་ལེའུ་བདུན་ཏེ། ཡང་དག་པར་གཤེགས་པའི་མཛོད་ཀྱི་ལེའུའོ།། །། དེའི་ཡ་རབས་ཚངས་པར་སྤྱོད་པ་སྔོན་གྱི་གནས་ནས་ལངས་ཏེ། སངས
34a5 རྒྱས་ལ་གསོལ་པ། བཙུན་པ་སྐྱེ་བའི་གཞུང་ནི་མེ་བཀག། ཤི་བའི་གཞུང་ནི་མི་སྐྱེ་སྟེ། དེ་ལྟ་བུ་མི་གཡོ་བའི་གཞུང་ནི་སངས་རྒྱས་ཀྱི་བྱང་ཆུབ་ལགས་སོ།། བྱང་ཆུབ་ཀྱི་ངོ་བོ་ཉིད་ལ་ནི། རྣམ
34a6 པར་རྟོག་པ་མ་མཆིས། རྣམ་པར་རྟོག་པའི་ཤེས་རབ་མ་མཆིས་སོ།། རྣམ་པར་རྟོག་པའི་གྲངས་མ་མཆིས་པའི་མཚན་མ་ནི་རྣམ་པར་རྟོག་པ་འབའ་ཞིག་གིས་བཀབ་བོ།། དེ་ལྟ་བུའི་གཞུང་གི་མཚན་མ་ནི་བསམ
34a7 གྱིས་མི་ཁྱབ་པོ། ། བསམ་གྱིས་མི་ཁྱབ་པའི་ནང་ན་རྣམ་པར་རྟོག་པ་མ་མཆིས་ན། བཙུན་པ་ཆོས་སོ་ཅོག་གྲངས་ནི་དཔག་ཏུ་མ་མཆིས། མུ་མ་མཆིས་ཏེ། མུ་མ་མཆིས་པའི་ཆོས་ཀྱི་མཚན་མ་ནི་ཡང་དག་པ་གཅིག
iiif viewer powered by OpenSeadragon
