| e-texts navigator |
| Wylie |
30b1 ལས་འདས་པའི་ཁྱིམ་དུ་ཞུགས་པས་ནི། སེམས་ཁམས་གསུམ་ལས་འདས་སོ།། ཡང་དག་པར་གཤེགས་པའི་གོས་གྱོན་པས་ནི་ཆོས་ཀྱིས་སྟོང་པའི་གནས་སུ་ཆུད་དོ།། བྱང་ཆུབ
30b2 ཀྱི་སྟན་ལ་འདུག་པས་དྲང་པོའི་ཚོར་བའི་སར་འཛེགས་སོ། ། དེ་ལྟ་བུའི་མིའི་སེམས་ནི་ང་གཉིས་ལས་འདས་ན། དགེ་སློང་གིས་གུས་པར་ཡོན་གསོལ་བ་ལྟ་སྨོས་ཀྱང་ཅི་དགོས། མཐུ་ཆེན་བྱང
30b3 ཆུབ་སེམས་དཔས་གསོལ་པ། དེའི་ས་གཅིག་དང་སྟོང་པའི་མཚོ་ཐག་པ་གཉིས་ཀྱི་མིས་མི་མཐོང་ལགས་སམ། སངས་རྒྱས་ཀྱིས་གསུངས་པ། དེ་ཡིན་ནོ།། ཐེག་པ་གཉིས་ཀྱི་དེ་ནི། ཏིང་ངེ་འཛི།
30b4 གྱི་ལུས་ཐོབ་སྟེ། སྟོང་པའི་མཚོ་དང་ས་གཅིག་ལ་ནི་ཆང་ནད་རྙེད་པ་དང་མཚུངས་སོ།། ར་རོ་སྟེ་མྱོས་པ་སངས་ཀྱང་བསྐལ་པ་བགྲང་གི་བར་དུ་འོན་ཀྱང་མི་ཚོར་རོ།། ཆང་ཞུ་ན་གདོང་ཚོར་ཏེ།
30b5 དེས་གདོད་སྤྱོད་པ་འདི་སྤྱད་པས་ཕྱིས་སངས་རྒྱས་ཀྱི་ལུས་ཐོབ་བོ།། དཔེར་ན་མི་དེས་ལོག་སྲེད་བཏང་ལ་སྤྱོད་པ་དྲུག་ཏུ་ཞུགས་ཏེ། སྤྱོད་པའི་ས་ནས་ཁྲིམས་བསྡུའོ།། གསུམ་ནི་ཕྱི་མོ་ཤེས་རབ
30b6 ཀྱི་སྙིང་རྗེ་ཆེན་པོའི་སྟོབས་ཀྱི་རྐྱེན་གྱིས་སེམས་ཅན་གྱི་ཚུལ་ཁྲིམས་བསྡུས་སོ། ། བཞི་ནི་གཅིག་ཚོར་བ་སྤྱད་པའི་ཤེས་རབ་ཀྱི་སྟོབས་ཀྱི་རྐྱེན་གྱིས་དེ་བཞིན་དུ་མི་གཡོ་བར་འདུག་པ་སྟེ།
30b7 དེ་ནི་རྐྱེན་བཞི་ཞེས་བྱའོ།། ཕོ་དགེ་བ་དེ་ལྟ་བུ་རྐྱེན་ཆེན་པོ་བཞིའི་སྟོབས་ཀྱིས་དོན་གྱི་མཚན་མ་ལ་མི་ཆགས་ན་ངོ་སོ་མེད་པ་མ་ཡིན་ཏེ། གནས་གཅིག་དང་བྲལ་བས་བཙལ་དུ་མི་རྙེད་དོ།།
iiif viewer powered by OpenSeadragon
