| e-texts navigator |
| Wylie |
29a1 @#ཚུལ་ཁྲིམས་གསུམ་པོ་ཆོ་ག་ཚང་ངོ་།། ཤཱ་རིའི་བུས་གསོལ་པ། ཇི་ལྟ་བུར་ན་རྐྱེན་བཞིན་དུ་མ་གལ་ནཱ། ཚུལ་ཁྲིམས་གསུམ་ཆོ་ག་ཚང་ཞེས་བགྱི། སངས་རྒྱས་ཀྱིས
29a2 གསུངས་པ། རྐྱེན་བཞི་ཞེས་བྱ་བ་གཅིག་ནི་བཏམས་ཏེ་སྩལ་པ། བྱམས་པའི་སྟོབས་ཀྱི་རྐྱེན་གྱིས། ཚུལ་ཁྲིམས་ཀྱི་ཆོ་གའི་ལུགས་བསྡུས་སོ།། གཉིས་ནི་ཕྱི་མོ་ནས་བཟོད་པའི་གཙང
29a3 མ་རྩ་བ་རྣོ་བའི་བཟོད་པའི་སྟོབས་ཀྱིས་སྦྱངས་སོ་ཅོག་གི་རྐྱེན་གཡོས་པས་དགེ་བའི་ཆོས་ཀྱི་ཚུལ་དེ་ལྟ་བུ་སྤྱོད་པས་ན་གདོད་རིག་པར་ནུས་སོ། ། མཐུ་ཆེན་བྱང་ཆུབ་སེམས་དཔས་གསོལ་པ།
29a4 ཡང་དག་པའི་དབྱིངས་ཀྱི་ཚོར་བའི་བསོད་པ་ལས་འབྱུང་འཇུག་མ་མཆིས་ན། གང་ལ་སོགས་པའི་ཆོས་ནི་སེམས་ཀྱིས་ཡང་དག་པའི་དབྱིངས་སུ་ཆུད་པར་རུང་། སངས་རྒྱས་ཀྱིས་གསུངས་པ།
29a5 དབྱིངས་ཀྱི་ཆོས་ནི་དབྱིངས་མེད་དེ། དབྱིངས་མེད་པའི་སེམས་ཀྱིས་ན། གདོད་ཡང་དག་པའི་དབྱིངས་སུ་ཆུད་དོ།། མཐུ་ཆེན་བྱང་ཆུབ་སེམས་དཔས་གསོལ་པ། དབྱིངས་མེད་པའི་སེམས་ཀྱི
29a6 ཡེ་ཤེས་ནི་འགྲམ་མེད་དོ། ། འགྲམ་མེད་པའི་སེམས་ཀྱིས་སེམས་རང་དབང་ཐོབ་སྟེ། རང་དབང་གི་ཡེ་ཤེས་ཀྱིས་ན། ཡང་དག་པའི་དབྱིངས་སུ་ཆུད་པར་རུང་ངོ་།། དཔེར་མི་ཐ་མལ་པ་སེམས
29a7 ཞན་པ་དེ་ལྟ་བུའི་སེམས་ལ་དབུགས་རྒྱུ་བ་མང་ན་ཆོས་གང་སྤྱད་དེ་ཐུལ་ན། བསྲན་ཐུབ་པའི་སེམས་པར་བགྱིས་ལ། ཡང་དག་པའི་དབྱིངས་སུ་ཆུད་པར་རུང་། སངས་རྒྱས་ཀྱིས་གསུངས་པ།
iiif viewer powered by OpenSeadragon
