| e-texts navigator |
| Wylie |
28a1 གསུམ་གྱི་ཕུང་པོར་ཞུགས་པས། ཡོད་པ་གསུམ་གྱི་སེམས་ཞིའོ།། མཐུ་ཆེན་བྱང་ཆུབ་སེམས་དཔས་གསོལ་པ། དྲ་མ་དེས་ནི་འབྲས་བུའི་ཅོག་ཚངས་པས་ཡང་དག
28a2 པར་གཤེགས་པའི་སངས་རྒྱས་ཀྱི་མཛོད་ཐོབ་སྟེ། སངས་རྒྱས་ཀྱི་བྱད་དང་གཟུགས་ཀྱིས་སངས་རྒྱས་དང་། དེ་ལྟ་བུའི་སངས་རྒྱས་ཀྱི་གནས་ནས་བྱང་ཆུབ་གཡོས་པས། གསུམ་འདུས་པའི་ཚུལ
28a3 ཁྲིམས་ཆུད་དེ། དེའི་མཚན་མ་ལ་མི་ཆགས་པས། ཁམས་གསུམ་གྱི་སེམས་ཞིའོ།། སྟོང་པའི་ས་ལའང་མི་ཆགས་མི་གནས་ན་ཕལ་རུང་བ་མ་གཏང་སྟེ། གདུལ་བ་མེད་པའི་སར་ཞུགས་པ་བསམ
28a4 གྱིས་མི་ཁྱབ་བོ། ། དེ་ནས་ཤཱ་རིའི་བུ་འདུག་པ་ལས་ལངས་ཏེ། མདུན་དུ་ཚིགས་སུ་བཅད་པ་བཤད་དོ།། ཤེས་རབ་མཚོའི་ནི་ཆོག་ཅིང་ཚང་།། མྱ་ངན་འདས་མཁས་མི་ཆགས་ཏེ།། དམ
28a5 པའི་མེ་ཏོག་པདྨོ་བཞིན། ། སྤོས་དོན་ལས་ནི་བྱུང་མ་ཡིན།། སངས་རྒྱས་བསྐལ་པ་གྲངས་མེད་དུ།། མྱ་ངན་འཁྲུག་པ་ཀུན་མ་བཏང་།། འཇིག་རྟེན་བསྒྲལ་ནས་གདོང་ཐོབ་སྟེ།། པདྨོ་རྫབ་ལས
28a6 བྱུང་དང་མཚུངས། ། དྲུག་སྤྱོད་པ་ཡི་ས་དེ་ནི།། བྱང་ཆུབ་སེམས་དཔའི་སྤྱོད་པའོ།། སྟོང་པ་གསུམ་གྱི་ཕུང་པོ་དེ།། བྱང་ཆུབ་ཀྱི་ནི་དྲང་པོའི་ལམ།། ངན་སུ་ཆགས་མེད་འཁོད་པར་བྱས།།
28a7 སངས་རྒྱས་ཀྱིས་སུ་བཤད་པ་བཞིན།། འོངས་པ་ཡང་ནི་སླར་ཡང་འོངས།། ཆོག་ཅིང་གང་ནས་གདོད་འབྱུང་ངོ་།། སེམས་ཅན་རྣམ་པ་ཐམས་ཅད་ཀྱང་།། ང་བཞིན་གཅིག་སྟེ་གཉིས་མིན་བྱས།།
iiif viewer powered by OpenSeadragon
