| e-texts navigator |
| Wylie |
26a1 སེམས་ཅན་གྱི་ཕྱི་མོ་གཙང་ངུའི་ཕྱིར་རོ། ། གཡུང་དྲུང་ལ་སྐྱེ་བ་མེད་ན། རྡུལ་གྱིས་གོས་པའི་མིང་ཁམས་གསུམ་ཞེས་བྱའོ།། ཁམས་སདུ་ཀྱི་སེམས་ནི་མིང་ཐ་དད་པའི་ཁམས
26a2 ཞེས་བྱ་སྟེ། ཁམས་དེ་ནི་སྒྱུ་མ་མི་བདེན་པའི་ཡིན་ཏེ། སེམས་ལུས་སུ་གྱུ་པས་སྐྱེས་སོ།། སེམས་ལས་མི་བདེན་པ་མེད་ན། ཐ་དད་པའི་ཁམས་ཀྱང་མེད་དོ།། མཐུ་ཆེན་བྱང་ཆུབ་སེམས་དཔས
26a3 གསོལ་པ། སེམས་གཙང་དང་ན་ཁམས་ཀྱི་རྣམས་མི་སྐྱེའོ།། སེམས་དེ་དང་ན་ཁམས་གསུམ་མཆིས་པའི་རིགས་སོ།། སངས་རྒྱས་ཀྱིས་གསུངས་པ། དེ་ཡིན་ནོ།། བྱང་ཆུབ་སེམས
26a4 དཔའ་སེམས་ལ་ནི་ཁམས་མི་སྐྱེའོ། ། ཁམས་ལས་སེམས་མི་སྐྱེའོ།། ཇི་ལྟ་ཞེ་ན། ཁམས་མཐོང་ངོ་ཅོག་ནི་སེམས་འབའ་ཞིག་མཐོང་སྟེ། སེམས་ལས་སྒྱུ་མ་མ་རྫུས་ན་ཅི་ཡང་མཐོང་བ་མེད།
26a5 དོ།། བྱང་ཆུབ་སེམས་དཔས་ནང་ལོགས་ན་སེམས་ཅན་མེད་དོ།། རང་བཞིན་གསུམ་སྟོང་ཞིང་མི་གཡོ་བ་ན། གདོད་བདག་ཅག་ཅེས་བྱ་བ་ཡང་མེད། ཁ་དོག་ཅེས་བྱ་བ་ཡང་མེད་དེ། ཞུགས་པ
26a6 གཉིས་ཞེས་བྱ་བ་ཡན་ཆད་ཀྱི་སེམས་ཀྱང་མི་སྐྱེ་ན། དེ་ལྟ་བུ་བསོད་པའི་ཐོབ་པས་གདོད་ཁམས་ཡང་མེད་དོ།། མཐུ་ཆེན་བྱང་ཆུབ་སེམས་དཔས་གསོལ་པ། ཇི་ལྟ་བུར་ན་ཞུགས་པ་གཉིས་སེམས་ལས་མ
26a7 སྐྱེས་ཞེས་བགྱི། སེམས་ཀྱི་ཕྱི་མོ་ནས་སྐྱེ་ན་ཇི་ལྟ་བུར་ཞུགས་པ་ཡོད་ཅེས་བགྱི། སངས་རྒྱས་ཀྱིས་གསུངས་པ། ཞུགས་པ་གཉིས་ཞེས་བྱ་བ་གཅིག་ནི་གཞུང་ཞུགས་པའོ།། གཉིས་ནི་སྤྱོད་པ་ཞུགས
iiif viewer powered by OpenSeadragon
