| e-texts navigator |
| Wylie |
25b1 ཆགས་པས་ན། ཡང་དག་པའི་བདེན་པ་མེད་པ་མ་ཡིན་ནོ།། ཡི་གེ་དང་ཚིག་གི་ལམ་ཆད་དེ་བསམ་གྱིས་མི་ཁྱབ་བོ།། མཐུ་ཆེན་བྱང་ཆུབ་སེམས་དཔས་གསོལ་པ། ཡང་དག་པར་བདེན་པ་མ་མཆིས
25b2 བ་མ་ལགས་ན། དེའི་མཚན་མ་མཆིས་པའི་རིགས་སོ།། སངས་རྒྱས་ཀྱིས་གསུངས་པ། མེད་པ་ནི་མེད་པ་ལ་མི་ཆགས་སོ།། མེད་པ་ཡང་མ་ཡིན། ཡོད་པ་ཡང་མ་ཡིན་ཏེ། ཡོད་པ་མ་ཡིན་པའི་ཆོས
25b3 ལ་མེད་པ་ལ་མི་ཆགས་སོ། ། མེད་པ་མ་ཡིན་པའི་མཚན་མ་ནི་ཡོད་པ་ལ་མི་ཆགས་སོ།། ཡོད་མེད་ལ་གཞུང་བཤད་པ་ནི་ཐོབ་པར་མི་རུང་ངོ་།། བྱང་ཆུབ་སེམས་དཔའ་མིང་མེད་པའི་གཞུང་གི་མཚན་མ
25b4 ནི། བསམ་གྱིས་མི་ཁྱབ་བོ།། ཇི་ལྟ་ཞེ་ན། མིང་མེད་པའི་མིང་ནི་མིང་མེད་པ་ཡང་མ་ཡིན་ནོ།། གཞུང་མེད་པའི་གཞུང་ནི་གཞུང་མེད་པ་མ་ཡིན་ནོ།། མཐུ་ཆེན་བྱང་ཆུབ་སེམས་དཔས་གསོལ་པ།
25b5 དེ་ལྟ་བུའི་མིང་དང་གཞུང་ཡང་དག་པའི་བདེན་པ་མི་གཡོ་བའི་མཚན་མ་ལགས་སོ།། ཡང་དག་པར་གཤེགས་པའི་མི་གཡོ་བའི་མཚན་མ་མི་གཡོ་བ་ལ་མི་ཆགས་སོ།། མི་གཡོ་བ་ལ་མི་གཡོ་བའི
25b6 མཚན་མ་མཆིས་སོ། ། མི་གཡོ་བ་ལ་མཚན་མ་མཆིས་ན། ཡང་དག་པར་གཤེགས་པའི་མ་ལགས་སམ། སེམས་ཅན་གྱི་སེམས་ཀྱི་མཚན་མ་ཡང་དག་པར་གཤེགས་པའི་མཚན་མ་ལགས་ཏེ།
25b7 སེམས་ཅན་གྱི་སེམས་ཀྱང་ཁམས་ཐ་དད་པ་མ་མཆིས་པའི་རིགས་སོ།། སངས་རྒྱས་ཀྱིས་གསུངས་པ། དེ་ཡིན་ནོ།། སེམས་ཅན་གྱི་སེམས་ནི་བདེན་པར་ཁམས་ཐ་དད་པ་མེད་དོ།། ཇི་ལྟ་ཞེན
iiif viewer powered by OpenSeadragon
