| e-texts navigator |
| Wylie |
25a1 ནོ། ། མེད་པ་མ་ཡིན་ན་ཡོད་མེད་ཀྱང་མེད་དོ།། ཡང་དག་པའི་མི་འགྱུར་བའི་ངོ་བོ་ཉིད་ནི་ཡོད་མེད་ལ་མི་ཆགས་ཏེ། ཡོད་མེད་དེ་ཡང་མེད་དོ།། ཕལ་ཐ་མལ་པ་དང་འཕྲུལ་གྱི
25a2 ཤེས་རབ་ཀྱིས་ནི་ཕྱི་མོ་མངོན་པར་དཔག་ནུས་སོ། ། བྱང་ཆུབ་སེམས་དཔའ་རྣམས་ལ་སོགས་པས་དེ་ལྟ་བུའི་བསོད་པ་རིག་ན། གདོད་བྱང་ཆུབ་ཐོབ་བོ།། དེའི་ཚེ་ཕལ་གྱི་ནང་ན། བྱང་ཆུབ་སེམས་དཔའ
25a3 མིང་མཐུ་ཆེན་ཞེས་བྱ་བ་ཞིག་ཡོད་པ་འདུག་པ་ལས་ལངས་ཏེ། མངོན་དུ་སངས་རྒྱས་ལ་གསོལ་པ། བཙུན་པ་ཡང་དག་པར་གཤེགས་པ་ལ། སྟོང་པ་ལྔ་ལ་འབྱུང་འཇུག་དང་། བླང་བ་དང་བཏང་བ་མ
25a4 མཆིས། སངས་རྒྱས་ཀྱིས་གསུངས་པ། བྱང་ཆུབ་སྟོང་པ་ཞེས་བྱ་བ་ནི། ཡོད་པ་གསུམ་སྟོང་པ་ཡིན་ནོ།། ལམ་དྲུག་གི་སྒྲིབ་མ་སྟོང་པ་ཡིན་ནོ།། ཆོས་ཀྱི་མཚན་མ་སྟོང་པ་ཡིན་ནོ།། མིང་གཟུགས་སྟོང་པ
25a5 ཡིན་ནོ། ། སེམས་ཀྱི་རྣམས་ཤེས་པའི་གཞུང་སྟོང་པ་ཡིན་ནོ།། བྱང་ཆུབ་སེམས་དཔའ་དེ་ལྟ་བུ་ལ་སོགས་པའི་སྟོང་པ་སྟོང་པ་ལ་མི་གནས་ཏེ། སྟོང་པ་ལ་སྟོང་པའི་གཟུགས་མེད་དོ།། གཟུགས་མེད་པའི
25a6 ཆོས་ལ་བླང་བ་བཏང་བ་ཅི་ཡོད། བླང་བ་མེད་པའི་སར་ཆུད་ན། གདོད་སྟོང་པ་ཉིད་དུ་ཆུད་དོ།། མཐུ་ཆེན་བྱང་ཆུབ་སེམས་དཔས་གསོལ་པ། ཇི་ལྟ་བུར་ན་སྟོང་པ་གསུམ་ཞེས་བགྱི། སངས་རྒྱས་ཀྱིས
25a7 གསུངས་པ། སྟོང་པ་གསུམ་ཞེས་བྱ་བ་ནི། སྟོང་པའི་མཚན་མ་ཡང་སྟོང་པ། སྟོང་པའི་སྟོང་པ་ཡང་སྟོང་པ། སྟོང་པའི་གནས་ཀྱང་སྟོང་པ་སྟེ། དེ་ལྟ་བུ་ལ་སོགས་པའི་མཚན་མ་གསུམ་ལ་མི
iiif viewer powered by OpenSeadragon
