| e-texts navigator |
| Wylie |
24b1 ཚོར་ཆེན་བཙུན་པ་ཡིས།། བསམ་པ་མེད་པའི་ཆོས་སྐྱེ་བཤད།། སེམས་སྐྱེ་མེད་ཅིང་བསམ་པ་མེད།། སེམས་རྟག་སྐྱེ་ཞིང་ཞི་བའི་མེད།། གཅིག་ཚོར་ཕྱི་མོ་ཚོར་བ་བསོད།། གསེར་གྱི་དོང་ཙེ་རྙེད
24b2 དང་མཚུངས། ། རྙེད་པ་ཉིད་ནི་རྙེད་མ་ཡིན།། དེ་ནས་ཕལ་མང་པོས་ཚིག་དེ་བཤད་པ་ཐོས་ནས། ཀུན་གྱིས་ཕྱི་མོའི་ཚོར་བའི་བསོད་པ་ཤེས་རབ་ཀྱི་ཕ་རོལ་ཏུ་ཕྱིན་པ་ཐོབ་བོ།། རྡོ་རྗེའི་ཏིང་ངེ
24b3 འཛིན་གྱི་ཆོས་ཀྱི་ཡི་གེ་ལེའུ་ལྔ་སྟེ། ཡང་དག་པ་བདེན་པའི་དབྱིངས་སུ་འཇུག་པའི་ལེའུའོ།། །། དེ་ནས་ཡང་དག་པར་གཤེགས་པས་ཚིག་འདི་སྐད་གསུངས་སོ།། བསྐལ།
24b4 དུ་རུང་བའི་སེམས་ཅན་ཕྱིན་ཆད་དུས་གཞན་གྱི་ཚེ། ཡང་ཆོས་འདི་བཞིན་བཤད་པའི་རིགས་སོ།། དུས་དང་བཟོད་པ་ལྷན་མི་ཅིག་གོ།། འགལ་བ་དང་མི་འགལ་བར་བཤད་པ་འཐུན་པར་ཡང་མེད།།
24b5 ཐ་དད་པ་ཡང་མེད་དེ། མཚན་མ་ཡང་དེ་བཞིན་བཤད་པའི་རིགས་སོ།། ཐམས་ཅད་ཀྱི་ཡིད་ཀྱིས་ཤེས་རབ་དྲངས་ལ། ཐམས་ཅད་མཁྱེན་པའི་ཡེ་ཤེས་ཀྱི་མཚོར་ཆུད་པར་ཕབ་སྟེ། རུང་བའི
24b6 རྣམས་སྟོང་པའི་རླུང་ལ་བསླབས་པ་བཞིན་མ་བྱ་བར་ཕལ་དེ་དག་ཀུན་རོ་གཅིག་པའི་འཕྲུལ་གྱིའོ། ། མ་ཐོབ་པར་བྱོས་ཤིག། འཇིག་རྟེན་དང་འཇིག་རྟེན་མེད་པ་ལ་འདུག་པ་དང་། འདུག་པའི
24b7 གནས་མེད་པ་སྟོང་པ་ལྔ་ལ་འབྱུང་བར་འཇུག་པ་དང་། བླང་ཞིང་བཏང་བ་མེད་དོ།། ཇི་ལྟ་ཞེ་ན། ཆོས་རྣམས་ནི་མཚན་མ་སྟོང་པ་སྟེ། ཆོས་ཀྱི་ངོ་བོ་ཉིད་མེད་པ་མེད་དོ།། མེད་པ་མེད་པ་ཡང་མ་ཡིན
iiif viewer powered by OpenSeadragon
