| e-texts navigator |
| Wylie |
24a1 སངས་རྒྱས་ཀྱིས་གསུངས་པ། ཡུད་ཙམ་བསམས་པས་སེམས་གཡོས་པས་ནི་ལྔ་ཕུང་ཅིག་ཅར་སྐྱེས་སོ།། ལྔ་ཕུང་སྐྱེས་པའི་ནང་ན་ངན་པ་ལྔ་བཅུ་ཚང་ངོ་།། ཆགས་མེད
24a2 བྱང་ཆུབ་སེམས་དཔས་གསོལ་པ། རིང་པོར་སོང་སྟེ་ཁྱབ་པར་ཆགས་པ་དང་། ཕྱོགས་བཅུ་བགྲོད་པ་དང་། ཡུད་ཙམ་བསམས་ཏེ་སེམས་སྐྱེས་པས་ངན་པ་ལྔ་བཅུ་ཚང་ན། ཇི་ལྟ་བུར་སེམས་ཅན་དེ་དག
24a3 ཡུད་ཙམ་སེམས་མི་སྐྱེ་བར་བགྱི། སངས་རྒྱས་ཀྱིས་གསུངས་པ། སེམས་ཅན་དེ་དག་སེམས་པ་བདེན་པར་འདུག་པར་བྱ་སྟེ། རྡོ་རྗེའི་ས་ལ་གནས་པ་དང་། སེམས་ཀྱིས་གཡོས་ཏེ། ལྡང་བ་མེད
24a4 པས་སེམས་རྟག་པར་བདེ་ཞིང་། ཡངས་པས་ཡུད་ཙམ་བསམས་པ་མེད་དོ།། ཆགས་མེད་བྱང་ཆུབ་སེམས་དཔས་གསོལ་པ། བསམ་གྱིས་མི་ཁྱབ་བོ།། ཚོར་བའི་སེམས་མ་སྐྱེས་ན། དེའི་སེམས
24a5 བདེ་ཡངས་ཏེ། ཕྱི་མོའི་ཚོར་བའི་བཟོད་པ་ལགས་སོ།། བསོད་པ་གཡོ་བ་མ་མཆིས་པས་བརྟག་པར་མཆིས་ཏེ། མ་མཆིས་པ་ཡང་མཆིས། ཚོར་བ་མ་མཆིས་པ་ཡང་མ་ལགས། ཚོར་བས་ཚེར
24a6 བ་མ་མཆིས་པར་རིག་ན། ཕྱི་མོའི་བཟོད་པ་དང་། ཕྱི་མོའི་ཚོར་བའོ།། ཚོར་བ་གཙང་དང་བ་ལ་གོས་པ་མ་མཆིས་པར་རིག་གྱུར་མི་ལྡོག་སྟེ། ངོ་བོ་ཉིད་ཡང་དག་པར་མི་འགྱུར་བས་ན
24a7 བསམ་གྱིས་མི་ཁྱབ་བོ། ། སངས་རྒྱས་ཀྱིས་གསུངས་པ། དེ་ཡིན་ནོ།། ཆགས་མེད་བྱང་ཆུབ་སེམས་དཔས་ཚིག་དེ་སྐད་ཐོས་པ་དང་། ཡོད་མ་མྱོང་བ་ཐོས་ཏེ་ཚིགས་སུ་བཅད་པ་བཤད་དོ།། བཙུན་པ།
iiif viewer powered by OpenSeadragon
