| e-texts navigator |
| Wylie |
23b1 གསེར་གྱི་དོང་ཙེ་ཐོགས་པ་ན་ཡོད་པར་མ་ཤེས་ཏེ། ཕྱོགས་བཅུ་བགྲོད་པ་ནས་ལོ་ལྔ་བཅུ་ལོན་ཏེ། དངུལ་ལ་རྒྱང་ཤིན་ཏུ་ཉོན་མོངས་ནས། སློང་མོ་འབའ་ཞིག་གིས་ལུས་གསོས་ཀྱང་། མི་གང་མི
23b2 ཆོ་ག་ནས་དེའི་ཕས་དེ་ལྟ་བུ་ཡོད་པ་མཐོང་ནས། བུ་ལ་སྨྲས་པ། ཁྱེའུ་གསེར་གྱི་དོང་ཙེ་ཁྱེར་བ་ཅིའི་ཕྱིར་ན། བླངས་ཏེ་མ་སྤྱད་ལ། ཡིད་ལ་ཅི་དགོས་པ་ཅོག་པར་མི་བྱ། བུ་དེས་དྲན་ནས་གསེར་གྱི
23b3 དོང་ཙེ་རྙེད་དེས་སེམས་ལ་ཤིན་ཏུ་དགའ་ནས། དོང་ཙེ་རྙེད་ཅེས་ཟེར་རོ།། ཕས་བུ་བསླབ་པ་ལ་སྨྲས་པ། ཁྱོད་དགར་མོ་བྱེད་ཅིག། གསེར་གྱི་དོང་ཙེ་རྙེད་པ་ནི་ཁྱོད་ཉིད་ཀྱི་ནོར་ཡིན་ཏེ། ཁྱོད
23b4 ཀྱིས་གུད་ནས་རྙེད་པ་མ་ཡིན་ན། ཇི་ལྟ་བུར་དགར་རུང་། ཕོ་དགེ་བ་གཙང་དག་པའི་ཤེས་པ་ཡང་དེ་དང་མཚུངས་ཏེ། ཕྱི་མོ་ནས་འབྱུང་བའི་མཚན་མ་མེད། ད་གདོད་ཞུགས་པ་མ་ཡིན་ནོ།།
23b5 སྔོན་པ་སླབ་པའི་ཕྱིར་གྱི་མེད་པ་མ་ཡིན་ནོ།། ད་ཚོར་བའི་ཡོན་གྱིས་གདོད་ཞུགས་པ་ཡིན་ནོ།། ཆགས་མེད་བྱང་ཆུབ་སེམས་དཔས་གསོལ་པ། ཕ་དེས་བུ་བསླབ་པར་རིག་ན། ཅི་བསླབ་ནས་ལོ
23b6 ལྔ་བཅུ་ལོན་གྱི་བར་དུ་ཕྱོགས་བཅུ་བགྲོད་དེ། དབུལ་རྒྱང་ལ་ཤིན་ཏུ་ཉོན་མོངས་ནས་གདོད་བསྒོ། སངས་རྒྱས་ཀྱིས་གསུངས་པ། ལོ་ལྔ་བཅུ་ལོན་ཞེས་བྱ་བ་ནི་ཡུད་ཙམ་ཞིག་བསམས་པས་སེམས
23b7 གཡོས་པའོ། ། ཕྱོགས་བཅུར་བགྲོད་པ་ནི་རིང་པོར་སོང་སྟེ་ཁྱབ་པར་ཆགས་སོ།། ཆགས་མེད་བྱང་ཆུབ་སེམས་དཔས་གསོལ་པ། ཇི་ལྟ་བུར་ན་ཡུད་ཙམ་བསམས་པས་སེམས་གཡོ་ཞེས་བགྱི
iiif viewer powered by OpenSeadragon
